Gurhi Ibilisi Ayorha?

Ishuzo ly’Ebibliya

Ibilisi ciba ciremwa ca kiroho, oko kw’okuderha oku arhajira mubiri gwa nyama gwakabonekana n’amasu.—Abefezi 6:11, 12.

Kanji-kanji abantu banakacapa Ibilisi nka ciremwa cishushire ecibuzi cigwerhe amahembe n’omucira, anafumbirhe omurhi muliri guli nka mino ga nfuka ya nkanya. Bantu banji banakaderha oku oko kumucapa ntya kukola kugwerhe myaka 1 000 kurhondezibwe n’abantu bakagishumibwa n’endibi z’obunywesi za mîra.

Bici Ebibliya edesire lugenda Ibilisi?

Ebibliya ekolesize nyiganyo nyinji ziyerekine Ibilisi ye ndi. Ezo nyiganyo zirhurhabire rhuhugûkwe oborhere bwage ci arhali oku ayorha. Ezo nyiganyo zihiziremo:

Malahika wa bumoleke. Anakalonza abantu bakulikire enyigirizo zage omu kubayereka nk’ali abajirira ebintu binja na ntyo abajire barhacikulikiraga enyigirizo za Nnâmahanga.—2 Abakorinti 11:14.
Ntale yaluluma. Anakalibuza abakozi ba Nnâmahanga bwenene.—1 Petro 5:8.
Nkuba-joka. Anakayobohya, ajira emisi, na kandi anakashereza.—Amafulûlo 12:9.

Amandiko g’Ebibliya gaganirire Ibilisi

2 Abakorinti 11:14: “Shetani naye anacihindule malahika wa bumoleke.”

Oko kw’okuderha: Oku Shetani anakacijira nk’ali mwinja ly’arheba abantu bakulikire enyigirizo zage ahali bakulikire enyigirizo za Nnâmahanga.
Abefezi 6:11, NWT: “Muyambale ebikolanwa by’okulwa ivita ly’ekiroho lyo muhash’ihima obwengehushu bwa Ibilisi.”

Oko kw’okuderha: Oku Ibilisi anakajira obwengehushu ly’arheba abantu bagomere Nnâmahanga.
Yakobo 4:7, Mashi Bible: “Mucîkube kwo Nnâmahanga; mufuse Shetani mwabona oku amuyakira kuli.”

Oko kw’okuderha: Oku omuntu analwisa Shetani omu kurhumikira Nnâmahanga ci arhali Shetani.
1 Petro 5:8: “Omushombanyi winyu, Shetani, nka ntale yaluluma, adwirhe azunguluka-zunguluka mpu alonze oyu amira.”

Oko kw’okuderha: Oku Ibilisi aba ashombire balya barhumikira Nnâmahanga ananakalonza okubasheregeza obwîra bwabo haguma na Nnâmahanga.