Ka Yezu aba Nnâmahanga Ogala Byoshi?

Ishuzo ly’Ebibliya

Abashombanyi ba Yezu bamushobeka mpu ali aciyumanyanya na Nnâmahanga. (Yowane 5:18; 10:30-33) Cikoki, nta lusiku Yezu aciyumanyize na Nnâmahanga Ogala Byoshi. Aderha ntya: “Larha ye mukulu kundusha.”​—Yowane 14:28.

Abanafunzi barhangiriza ba Yezu barhakagimubona nk’ayumanine na Nnâmahanga Ogala Byoshi. Kwa lwiganyo, Paolo ayerekine ntyo erhi ayandika okubiyerekire okufûka kwa Yezu, aderha oku Nyamuzinda “amukuza [erhi kumuhira omu nafasi elengerire].” Entumwa Paolo erhaliyemire oku Yezu ali Nnâmahanga Ogala Byoshi. Erhi akaba Yezu ali Nnâmahanga Ogala Byoshi, ka Nyamuzinda akacimuhizire omu nafasi elengerire?​—Abafilipi 2:9.