K’Abahamirizi ba Yehova Babà Bayemire Endagano ya Mîra?

Neci. Abahamirizi ba Yehova babà bayemire oku “Amandiko goshi galongozibwê na Nnâmahanga, gaba ga bulagirire.” (2 Timoteyo 3:16) Co cirhuma babà bayemire endagano ya mira n’empyahya nk’oku abantu bayihamagala. Banakolese enderho “Amandiko g’Ecihabraniya” n’Amandiko g’Ecigiriki g’Ecikristu” lyo bayerekana ebigabi by’Ebibliya. Omu kujira ntyo, banabe erhi bali bayerekana oku ebigabi byoshi by’Ebibliya biba bya bulagirire.

Bulya gurhi Abakristu balagirire oku ndagano ya mîra n’oku mpahya?

Entumwa Paolo yalongozibwa n’iroho lya Nnâmahanga yayandika ntya: “Ebyayandikagwa mira byoshi, rhwe byayandikiragwa, mpu zibe nyigirizo zirhu.” (Abaroma 15:4) Amandiko g’Ecihabraniya gabamo amahano gw’obulagirire ciru na mwakano kasanzi kirhu. Gabamo emyanzi okubiyerekire ebyajiragwa mango mira n’amahano gw’obulagire.

• Endibi (histoire) z’okuyigiriza na z’okunali. Amandiko g’Ecihabraniya gaba gahanyire emyanzi eyerekire obulemi enaba eyerekine n’obwalagale gurhi abantu bajagamo omu caha. Buzira kuba n’eyo myanzi, rhurhakahashire rhwaba n’amashuzo oku madoso nk’aga: Ngahi rhwarhengaga? Bulya gurhi rhufâ? (Amafulûlo 2:7, 17) Na kandi, amandiko g’Ecihabraniya gayerekine gurhi Yehova akoleraga bene bantu bali omu omwishingo n’abandi omu mazibu gashushine n’agirhu.​—Yakobo 5:17.

• Amahano gashinganine. Omu citabu c’Ebibliya ca Emigani n’eca Omuhanûzi, biba biguma by’omu bitabu by’Amandiko g’Ecihabraniya, muba amahano gashinganine ensiku zoshi. Ebyo bitabu bihanyire amahano okubiyerekire oku rhwakajira ly’omulala gwirhu guba n’omwishingo (Emigani 15:17), oku rhwakaba n’entanya zishinganine lugenda akazi (Emigani 10:4; Omuhanûzi 4:6), n’oku omuntu akakolesa bwinja amango gage gw’obusole omu njira nyinja (Omuhanûzi 11:9–12:1).

Haligi obundi bunguke rhwakakula omu kusoma Irhegeko lya Musa liba omu Torati (kw’okuderha, bitabu birhanu birhangiriza by’Ebibliya). Abakristu barhacihunyirwi okukenga elyo Irhegeko lya Musa, cikoki banakulamwo makanuni manji gakabarhabala babe n’obushagaluke.​—Bene-Levi 19:18; Olushika 6:5-7.