Bunguke Buci Olufû lwa Yezu Lukudwirhire?

Yezu afâ lyo rhucib’ilama. Yowane 3:16

Nsiku isharhu enyuma ly’okufâ kwa Yezu, bakazi baguma na baguma bajirhangula enshinda yage, babona oku arhacirimwo. Yehova âli amafûla Yezu.

Buzinda Yezu abonekera entumwa zage.

Kobinali, Yehova afûla Yezu n’okumujira ciremwa ca kiroho, cha misi minji cirya cirhakacifâ. Abaganda ba Yezu bamubwîne erhi arheremera empingu.

Nnamahanga afûla Yezu anamujira Mwami w’Obwami bwage. Daniyeli 7:13, 14

Yezu ahâna obuzîne bwage lyo acungula abantu. (Mateyo 20:28) Yezu arhucungula kugerera oku lufû lwage, na ntyo Nnamahanga arhuhâ obulyo bw’okulama ensiku n’amango.

Yehova ajira Yezu Mwami lyo arhegeka igulu. Ayish’irhegeka haguma n’abantu bishwekerezi 144 000 bali bafûlwa kurhenga hanw’igulu n’okuhâbwa obuzîne empingu. Yezu n’abo bantu 144 000 balerha oburhegesi bushinganyanya empingu; kw’okuderha Bwami bwa Nnamahanga.​—Amafulûlo 14:1-3.

Obwami bwa Nnamahanga bwayish’ihindula igulu libe paradizo. Ivita, obunizi, obukenyi, n’ishali birhakacihaba bundi. Kobinali Abantu bayish’icishinga.​—Ennanga 145:16.