IBÎKIRO LY'OKU ENTERNETE Watchtower
Watchtower
IBÎKIRO LY'OKU ENTERNETI
Mashi
  • BIBLIYA
  • BICAPO
  • NTIMANANO
  • jl isomo 22
  • Mikolo mici ejirwa oku biro b’ishami?

Nta video eri mw’ehi higabi.

Habire ehya mazibu ene oba oli walonza.

  • Mikolo mici ejirwa oku biro b’ishami?
  • Bandi Bali Bajira Obulonza bwa Yehova Ene?
  • Mwanzi Gushushine
  • Emikolo y’Obubasi Rhwajijire Embere Obulwala bw’Ekorona Burhondere
    Oku Oburhabale Bwawe Bukolesibwa
Bandi Bali Bajira Obulonza bwa Yehova Ene?
jl isomo 22

ISOMO LYA 22

Mikolo mici ejirwa oku biro b’ishami?

Ecikundi c’abalume bali bapanga omukolo oku biro b’ishami omu Îles Solomon

Îles Solomon

Omuhamirizi wa Yehova oli wakola oku biro b’ishami omu Canada

Canada

Emituga y’okuheka ebitabu

Afrique du Sud

Bene wirhu na bali birhu bakola oku biro b’ishami, erhi Beteli, bajira mikolo minji y’okugendereza omukolo gw’okuyalagaza omwanzi mwinja gw’Obwami omu cihugo ciguma erhi bihugo binji. Mw’eyo mikolo hali okuhindula ebitabu, okubicapa, okubihanga haguma kandi erhi kubihebakw’enjalada, okubirhuma, n’okurheganya ama CD erhi DVD, n’eyindi mikolo minji.

Ekomité y’Ishami enayimangire omukolo. Akagombe k’Obulongozi kanahebe obwimangizi bw’ebiro b’ishami omu maboko g’abagula basharhu b’obumanye erhi kulusha, baderhwa Ekomité y’Ishami. Eyo komité enaka hana eraporo oku Kagombe k’Obulongozi lyo babamanyisa gurhi omukulo gugenderire omu cihugo erhi bihugo bayimangire n’okubamanyisa nkaba hali ebirhagendesiri bwinja. Ezo raporo bayandika zinarhabale abagula b’omu Kagombe k’Obulongozi bamanye myanzi mici bàyandika omu bitabu n’omu jurnale zabo za ngasi mwezi, na bici bigwasirwe okuyigirizibwa omu ntimanano z’ebigamba n’omu ntimanano nkulu. Akagombe k’Obulongozi kanarhume mango oku gandi abagula b’okulambagirira ebiro by’amashami, lyo barhabala abagula b’Ekomité y’Ishami bahikirize bwinja omukolo gwabo. (Emigani 11:14) Amango entumwa w’Akagombe k’Obulongozi alambagirire ebiro by’ishami by’Abahamirizi ba Yehova, anajire ehotuba oku Bahamirizi boshi b’omu cihugo erhi bihugo byoshi biyimangirwe n’ebyo biro b’ishami.

Ekomité y’Ishami enarhabale ebigamba by’Abahamirizi eyimangire. Abagula b’omuzunguko banarhume eraporo oku biro b’ishami. Bene wirhu baguma oku biro b’ishami nabo banalole kushimbana n’ezo raporo erhi kobinali kushinganine okujira ebigamba bihyahya. Kandi, abo bene wirhu banalongole omukolo gwa bapainiya, bamisionere, n’abagula b’omuzunguko omu cihugo erhi ebihugo byoshi bayimangire. Banarheganye entimanano nkulu z’olusiku luguma, n’entimanano nkulu z’ensiku zisharhu, banayimangire omukulo gw’okuyubaka Enyumpa mpyahya z’Obwami n’okulola erhi ebitabu biri byahikira ebigamba kushimbana n’obulagirire bwa ngasi cigamba. Eyo mikolo yoshi ekajirikana omu biro by’ecihugo eba ya kuhikiriza buzira kavulindi omukolo gw’okuyalagaza Obwami.​—1 Abakorinti 14:33, 40.

  • Gurhi Ekomité z’Ishami zirhabala Akagombe k’Obulongozi?

  • Mikolo mici ejirwa oku biro b’ishami?

ERHI WANKALONZA OKUMANYA BINJI

Rhukuhunyire olambagirire oku biro biguma b’ishami ly’obona gurhi emikolo ejirwa. Kurhenga lwa kasi kuhika lwa karhanu, hali benewirhu batembeza abantu n’okubahugulira gurhi emikolo ejirwa. Olusiku walambagirira oku ebiro b’ishami, oyambale nk’oku rhuyambala nka rhwaja omu ntimanano zirhu. Obuyemere bwawe bwanazibuha omu kubona aho hantu haderhwa Beteli.

    Ebicapo by’Amashi (2000-2025)
    Orhenge
    Ocimanyise
    • Mashi
    • Rhumira abandi
    • Ebisimirwe
    • Copyright © 2025 Watch Tower Bible and Tract Society of Pennsylvania
    • Amarhegeko gw’okukolesa eyi site
    • Amarhegeko gw’okubîka ihwê
    • Paramètres de confidentialité
    • JW.ORG
    • Ocimanyise
    Rhumira abandi