Gurhi ogerereza okubiyerekire Ebibliya?
Ka wanashuza mpu . . .
ciri citabu cajirâgwa n’obwenge bwa bene bantu?
ciri citabu cirimwo endibi z’obunywesi?
erhi Kanwa ka Nnamahanga?
ALAGA ISHUZO LY’EBIBLIYA
“Amandiko goshi galongozibâgwa na Nnamahanga.”—2 Timoteyo 3:16, NWT.
BUNGUKE BUCI WAKABA NABO ERHI WAKAYEMERA NTYO?
Wanaba n’amashuzo oku madoso g’obulagirire ocidosa omu kalamo.—Emigani 2:1-5.
Wanaba n’amahano minja gakakulongoza omu kalamo kawe ka ngasi lusiku.—Ennanga 119:105.
Wanaba n’obulangalire bw’amango gayisha.—Abaroma 15:4.
KA KOBINALI RHWANAYEMERA OKU EBIBLIYA KABA KANWA KA NNAMAHANGA?
Neci, hali bintu bisharhu byakarhuma rhwayemera oku Ebibliya kaba Kanwa ka Nnamahanga:
Emyanzi yoshi emuli eringanine. Ebibliya yajijîre myaka 1 600 eri yayandikwa, bantu 40 ba ngasi lubero bwo bayiyandikâga. Banji mulibo barhal’ilamire haguma barhanamanyanâga. Ciru akaba ntyo, emyanzi emuli yoshi eringanine na kandi eco citabu cishambalire mwanzi muguma mukulu kurhenga aha murhondêro kuhika aha buzinda!
Erimwo enganîro z’okuli. Abaganîzi b’er’igulu barhaderha nk’olubaga lwabo luhimirwe; cikone abayandikâga Ebibliya bohe bayandisîre amagosa gabo na g’olubaga lwabo.—2 Enganîro 36:15, 16; Ennanga 51:1-4.
Obulebi bw’Ebibliya boshi bunahikirire. Ebibliya yal’ilebire oku olugo lwa Babiloni lwakasherezibwe, hagezîre myaka 200 elebîre ntyo. (Izaya 13:17-22) Yahugûla gurhi olo lugo lwakasherezibwemwo, yadêrha ciru n’izino ly’omulume wakalusherezîze!—Izaya 45:1-3.
Ebibliya erimwo obundi bulebi bwahikirîre omu njira nnene erhi omu njira nsungunu. Kw’orhabwini oku rhurhakasomerwa n’oko bulya Ebibliya kaba Kanwa ka Nnamahanga?—2 Petro 1:21.
GEREREZAGYA
Gurhi Akanwa ka Nnamahanga kakakurhabala ohindûle akalamo kawe?
Ebibliya eshuzize kw’er’idoso n’obwalagale omw’iyandiko lya IZAYA 48:17, 18 n’omu 2 TIMOTEYO 3:16, 17.