Ndi kobinali oli warhegeka igulu?

ALAGA ISHUZO LY’EBIBLIYA

“Igulu lyoshi liri omu buhashe bw’Omubi.”​—1 Yowane 5:19.

‘Mwene-Nyamuzinda aciyerekine mpu ahererekeze emikolo ya Shetani.’​—1 Yowane 3:8.

OKUMANYA NTYO KWANAKULERHERA BUNGUKE BUCI?

Wanamanya bwinja bici bidwirhe aga malibuko gali omw’igulu.​—Amafulûlo 12:12.

Wanalangalira oku er’igulu lirhu lyaciba linja.​—1 Yowane 2:17.

KA KOBINALI RHWANAYEMERA EBI EBIBLIYA EDESIRE?

Neci, hali bintu bisharhu byakarhuma rhwayemera ezo nyigirizo z’Ebibliya:

• Oburhegesi bwa Shetani buheherirwe. Yehova ahizire oku ayusa oburhegesi bwa Shetani. Alaganyize oku “aherêrekeza . . . Shetani” n’okukubûla buhyahya ebi Shetani asherezîze byoshi.​—Abahabraniya 2:14.

• Nnamahanga acishozîre Yezu Kristu oku arhegeke igulu. Yezu ali lubero n’omurhegesi w’eri igulu okacikaliza yene anaba munizi. Nnamahanga alaganyize oku Yezu ayish’iba mwami wa bonjo “ayish’ikababalira omushalye n’omukenyi. N’obuzine bw’omunyi abucize. Abakûla omu kunyagwa n’omu kulibuzibwa.”​—Ennanga 72:13, 14.

• Birhakahashikana Nnamahanga anywerhe. Ebibliya edesire n’obwalagale oku “ntako Nyamuzinda akahash’inywerha.” (Abahabraniya 6:18) Erhi Yehova akalaganya kantu kalebe, kwo kanali nk’akahikirire! (Izaya 55:10, 11) Omurhegesi “wa lino igulu ajugucirwa embuga.”​—Yowane 12:31.