Enshokolezi y‘Ecigabi ca 6

Erhi Abaisraheli bahika omu Cihugo c’Amalaganyo, ihema ly’entimanano haba hantu hakulu h’okuharamiza Yehova mw’eco cihugo. Bakuhani bakayigiriza Amarhegeko, n’abazuzi bakalongoza olubaga. Eci cigabi cayerekana gurhi emihigo y’omuntu n’ebijiro byage byakahuma oku bandi bwenene. Ngasi Muisraheli al’ishinganine ahige erhi ajira ebintu binja erhi bibi omu masu ga Yehova, anal’ishinganine ahige ebi ajirira owabo Muisraheli. Oyerekane gurhi olugenzi lwa Debora, Noemi, Yozwe, Ana, Mwali wa Yifta, na Samweli lwashumizemwo olubaga. Osegeze oku ciru n’abantu barhali Baisraheli, nka Rahabu, Ruti, Yaeli, n’Abagabaoni, bahizire okucilunga n’Abaisraheli bulya bal’imanyire oku Mungu ali haguma nabo.