Enshokolezi y‘Ecigabi ca 9

Eci cigabi cirhuyigirizize lugenda emisole, abalebi, n’abami bayerekine obuyemere busêzire muli Yehova. Ehinyere hy’e Israheli hyali omu cihugo c’e Siriya, hyagwerhe obuyemere oku omulebi wa Yehova anafumya Nahamani. Omulebi Elisha al’iyemire n’obwalagale oku Yehova akamulanzire oku basoda bal’imushombire. Kuhani Mukulu Yehoyada ahizire obuzine bwage omu mazibu ly’alanga omwana-rhabana Yehowashi lyo nakulu Ataliya wali muntu mubi arhag’imuniga. Mwami Hezekiya al’iyemire n’obwalagale oku Yehova akalanzire Yeruzalemu, n’oko kwarhuma arhayoboha mwami w’e Ashuru. Mwami Yosiya arhenza enterekêro y’ensanamu omu cihugo, akubula ehekalu anacib’irhabala abantu barhondere bashub’iharamya Yehova omu njira ecîre.