ISOMO LYA 1

Enshokolezi Nyinja

Ebijiro byʼEntumwa 17:22

OBOFOFI: Enshokolezi yawe eshinganine ezukize abumvirhiza bawe irala ly’okukuyumvirhiza, eyerekane omwanzi waganirira n’okuyerekana bulya gurhi abumvirhiza bawe bashinganine baguyumvirhize.

OKU WAKAJIRAMWO NTYO:

Ozukize abumvirhiza bawe irala ly’okukuyumvirhiza. Ocishoge idoso, enderho, ebintu biri byahikira omu kalamo erhi myanzi milebe eri yaganirirwa yakazukiza abumvirhiza bawe irala ly’okukuyumvirhiza.

Orhanye embere z’akasanzi oku bintu byakashagalusa abumvirhiza bawe, ebintu biri byabahikira, onapatanise enshokolezi yawe n’ebyo bintu.
Oyerekane omwanzi waganirira. Ojire enshokolezi yawe erhabale abumvirhiza bawe okumanya bwinja omwanzi waganirira n’omuhigo gwawe.
Oyerekane bulya gurhi omwanzi waganirira guli gwa bulagirire. Opatanise ebi oli waderha n’amalagirire g’okunali g’abumvirhiza bawe. Bashinganine bahugûkwe n’obwalagale gurhi omwanzi oli wabaganirira gwakabarhabala.

Amango oli warheganya ehotuba, ocidose ntya: ‘Kanga kahi bene wirhu na bali birhu b’omu cigamba cirhu bali barhimanana nako?’ Enyuma z’aho opatanise enshokolezi yawe n’amalagirire gabo.