ISOMO LYA 13

Okuhugûlira Abumvirhiza Gurhi Bakakolesa Omwanzi

Emigani 3:21

OBOFOFI: Orhabale abumvirhiza bawe bahugûkwe gurhi omwanzi oli waganirira guyerekire akalamo kabo, onabayereke gurhi bakakolesamwo ebi bayizire.

Orhanye lugenda abumvirhiza bawe. Orhanye bulya gurhi abumvirhiza bawe balagirire oku kuyumva omwanzi oli waganirira, onarhanye cigabi cihi c’omwanzi gwawe cabarhabala bwenene.
Omu cigabi cawe coshi, oyereke abumvirhiza bawe ebi bakajira. Amango wanacirhondera omwanzi gwawe ntya, ngasi mumvirhiza ashinganine ahugûkwe oku ‘gumuyerekire.’ Amango oli waganirira ngasi cigabi c’obulagirire c’omwanzi gwawe, oyerekane gurhi bakacikolesa. Oyake okugera kone enyanya z’ebi oli waganirira.

Oganire omu njira y’obuzigire enayerekine oku ohugûsirwe oku abumvirhiza bawe bali baciyumva omu kubayereka gurhi bakakolesa amakanuni g’Ebibliya. Ahali h’okurhuma abandi barhondera bacitumuza, ozibuhye obuzigire bwabo n’obuyemere bwabo, onayemere n’obwalagale oku emirhima yabo yabashumya bajire akantu kinja.