IBÎKIRO LY'OKU ENTERNETE Watchtower
Watchtower
IBÎKIRO LY'OKU ENTERNETI
Mashi
  • BIBLIYA
  • BICAPO
  • NTIMANANO
  • lff isomo 20
  • Gurhi Ecigamba Ciba Cipanzirwe?

Nta video eri mw’ehi higabi.

Habire ehya mazibu ene oba oli walonza.

  • Gurhi Ecigamba Ciba Cipanzirwe?
  • Oshagalukire Akalamo Ensiku n’Amango!—Oyige Ebibliya omu Kuganîra
  • Birhwe bisungunu
  • Mwanzi Gushushine
  • HUMBIRIRA LY’OHUGÛKWA
  • KWA BOFOFI
  • OCIYIGIRIZE KWA BULÎRI
  • Mikolo mici abagula bajira omu cigamba?
    Bandi Bali Bajira Obulonza bwa Yehova Ene?
  • ‘Ohamagale Abagula’
    Ilabiro ly’Akalalizi Liyalagaza Obwami bwa Yehova (Cigabi c’Okuciyigiriza)—2025
  • Mwe Bagula—Mugendekere Mwayiga Olwiganyo lw’Entumwa Paolo
    Ilabiro ly’Akalalizi Liyalagaza Obwami bwa Yehova (Cigabi c’Okuciyigiriza)—2022
  • Oku Abagula Bayeresamwo Abanya-byaha Obuzigire n’Obwonjo
    Ilabiro ly’Akalalizi Liyalagaza Obwami bwa Yehova (Cigabi c’Okuciyigiriza)—2024
Oshagalukire Akalamo Ensiku n’Amango!—Oyige Ebibliya omu Kuganîra
lff isomo 20
Isomo lya 20. Omu mango g’entimanano y’ecigamba y’Abahamirizi ba Yehova, mwene wirhu amadosa idoso na bantu banji bahizire okuboko enyanya lyo bashuza.

ISOMO LYA 20

Gurhi Ecigamba Ciba Cipanzirwe?

Cacapirwe
Cacapirwe
Cacapirwe

Yehova arhaba Nnâmahanga wa kavulindi. (1 Abakorinti 14:33) Co cirhumire abantu bage bashinganine bapangwe bwinja-bwinja. Gurhi ecigamba c’Ecikristu ciba cipange? Gurhi nirhu rhwakajira ly’omu cigamba murhabaga akavulindi?

1. Ndi oba cirhwe c’ecigamba?

“Kristu ye cirhwe c’ecigamba.” (Abefezi 5:23, NWT) Yezu ali empingu cikone ye oli walongoza omukolo gw’abantu ba Nnâmahanga omw’igulu lyoshi. Yezu ahizireho “mushizi mwirhonzi na mwikubagirwa” k’okuderha cigusho cisungunu c’abagula bakuzire kiroho cihamagalwa Mbaraza Eri Yalongoza. (Osome Mateyo 24:45-47, NWT.) Omu myaka igana mirhanzi entumwa n’abagula b’e Yeruzalemu bo bakagiha ebigamba obulongozi, ko n’oko Embaraza Eri Yalongoza enahe ebigamba by’omw’igulu lyoshi obulongozi. (Ebijiro by’Entumwa 15:2) Cikone, abagula b’omu Mbaraza Eri Yalongoza arhali bo baba birongozi b’ikubuliro lirhu. Banalonze obulongozi bwa Yehova n’Akanwa kage lyo bamanya ebi alonzize bajire banaba babidu okukulikira obulongozi bwa Yezu.

2. Abagula bo bandi na mukolo muci bajira?

Abagula baba balume Bakristu bakuzire kiroho bayigiriza abantu ba Yehova omu kukolesa Amandiko n’okubayabula omu kubarhabala n’okubaha omurhima. Barhahâbwa mushahara kw’ogo mukolo bahikiriza. Banagujire “nk’oku Nyamuzinda alonzize, arhali omu kulonza obunguke bubi, ci n’omurhima nkana.” (1 Petro 5:1, 2) Abarhabazi b’abagula banarhabale abagula kuli mikolo milebe, n’erhi hagera nsiku banahikirize ebihûnyirwe na buzinda nabo banaba bagula.

Embaraza Eri Yalongoza enacishoge bagula baguma na baguma lyo baba bangalizi b’omuzunguko. Banalambagirire ebigamba lyo baha bene wirhu na bali birhu obulongozi n’okubaha omurhima. Banahireho abagula n’abarhabazi b’abagula bahikirizize ebi Amandiko gabahûnyire.​—1 Timoteyo 3:1-10, 12; Tito 1:5-9.

3. Bici ngasi Muhamirizi wa Yehova akajira?

Bene wirhu na bali birhu b’omu cigamba boshi ‘banakuze izino lya Nyamuzinda [Yehova, NWT]’ omu kuhâna amashuzo, okujira ebipindi, ehotuba, eonyesho, n’okuyimba omu mango g’entimanano y’ecigamba. Na kandi banakuze izino lya Yehova omu kuhubiri nk’oku bakanahasha.​—Osome Ennanga 148:12, 13.

HUMBIRIRA LY’OHUGÛKWA

Ociyigirize ly’ohugûkwa Yezu ali cirongozi wa gurhi, gurhi abagula bacihangana okuyiga olwiganyo lwage, na gurhi rhwakarhumikira Yezu n’abagula.

4. Yezu aba cirogonzi mwinja

Yezu arhuhîre omulali gushagalwire bwenene. Osome Mateyo 11:28-30, na buzinda oganirire er’idoso:

  • Yezu aba cirongozi wa gurhi na gurhi aba alonzize rhukaciyumva okubiyerekire obulongozi bwage?

Gurhi abagula bayigamwo olwiganyo lwa Yezu? Olole EVIDEO.

VIDEO: Oburhabale bw’Abagula Amango gw’Omusisi gw’Idaho omu Népal (4:56)

Ebibliya eyerekine gurhi abagula bashinganine bahikirize omukolo gwabo.

Osome Izaya 32:2 na 1 Petro 5:1-3, na buzinda oganirire aga madoso:

  • Gurhi ociyumvirhe okumanya oku abagula banayige olwiganyo lwa Yezu l’okurhabala abandi baciyumve bwinja?

  • Omu zindi njira zihi nguma na nguma abagula bayigamwo olwiganyo lwa Yezu?

5. Abagula banayigirize kugerera olwiganyo lwabo

Gurhi Yezu aba alonzize abagula bakabona omukolo gwabo? Olole EVIDEO.

VIDEO: Abagula Banarhuyerese Olwiganyo! (7:39)

Yezu anahirireho abagula olwiganyo. Osome Mateyo 23:8-12, na buzinda oganirire er’idoso:

  • Bici bikusimisize okubiyerekire olubero luhali egarhi k’amakanuni gali omu Bibliya gayerekire abagula n’ebi wabwine egarhi k’abakulu b’amadîni?

A. Nfoto: Mugula muguma ali ashibirira amalagirire gage g’ekiroho n’ag’omulala gwage. 1. Ali ashenga embere arhondere okuyiga Ebibliya. 2. Ye na mukage bali bayigiriza mwali wabo ociri murho Ebibliya. B. Oyo mugula yo n’oyo na mukage balambagirire mwali wabo w’omu cigamba olwazire ogwishire oku nshingo omu hopitali. C. Oyo mugula yo n’oyo ali ayigiriza mulume muguma. D. Nfoto: 1. Oyo mugula yo n’oyo ali ageza ehotuba omu ntimanano y’ecigamba. 2. Ali acesa aha Nyumpa y’Entimanano.
  1. Abagula banacihangane okuba n’ehali nyinja y’ekiroho haguma na Yehova bananarhabale omulala gwabo nago gujire ntyo

  2. Abagula banashibirire ngasi muntu w’omu cigamba

  3. Abagula banaje omu mahubiri ngasi mugobe

  4. Abagula banayigirize omu cigamba. Na kandi banarhabale oku mikolo y’okucesa Enyumpa y’Entimanano n’eyindi mikolo

6. Kuba kwinja okurhumikira abagula

Ebibliya erhuyeresire ecirhuma rhurhumikira abagula. Osome Abahabraniya 13:17, na buzinda oganirire aga madoso:

  • Bulya gurhi Ebibliya edesire oku rhushinganine rhube babidu okurhumikira abali barhulongoza? Bulya gurhi neci erhi bulya gurhi nanga?

Osome Luka 16:10, na buzinda oganirire er’idoso:

  • Bulya gurhi kuli kwa bulagirire okurhumikira abagula ciru n’omu bintu bibonekine nka birhali bya bulagirire bwenene?

HALI ABANTU BADERHA NTYA: “Kurhali kwa bulagirire okuba omw’ikubuliro lilebe l’idîni.”

  • Bunguke buhi orhanyize wakaba nabo erhi wakakaharamiza Nnâmahanga omu cigamba?

KWA BOFOFI

Yezu ye cirhwe c’ecigamba. Rhunashagalukire okurhumikira abagula bulya banakarhuha omurhima bananarhuyigirize kugerera olwiganyo lwabo.

Okucikengeza

  • Ndi oba cirhwe c’ecigamba?

  • Gurhi abagula barhabalamwo ecigamba?

  • Bici ngasi Muhamirizi wa Yehova ashinganine ajire?

Omuhigo Gwani

OCIYIGIRIZE KWA BULÎRI

Olole ebintu biyerekine n’obwalagale oku ene, Embaraza Eri Yalongoza n’abandi bagula banashibirire ababo Bakristu.

Okuha Bene Wirhu Omurhima Amango Omukolo Gwirhu Guhanzibwe (4:22)

Ociyigirize binji okubiyerekire omukolo gw’abangalizi b’omuzunguko.

Akalamo k’Omwangalizi w’Omuzunguko omu Maeneo Gaba Kuli n’Evile (4:51)

Olole emikolo y’obulagirire abakazi bajira omu cigamba.

“Je, Mashahidi wa Yehova Wanawaacha Wanawake Wafundishe?” (Ilabiro ly’Akalalizi, ly’omu lusiku 1/9/2012)

Olole gurhi abagula bajira okwabo koshi lyo baha ababo Bakristu omurhima.

“Wazee wa Kutaniko Ni ‘Wafanyakazi Wenzetu kwa Furaha Yetu’” (Ilabiro ly’Akalalizi, ly’omu nsiku 15/1/2013)

    Ebicapo by’Amashi (2000-2025)
    Orhenge
    Ocimanyise
    • Mashi
    • Rhumira abandi
    • Ebisimirwe
    • Copyright © 2025 Watch Tower Bible and Tract Society of Pennsylvania
    • Amarhegeko gw’okukolesa eyi site
    • Amarhegeko gw’okubîka ihwê
    • Paramètres de confidentialité
    • JW.ORG
    • Ocimanyise
    Rhumira abandi