Oganire Bwinja

Ebi Filipo Ajijire

EVIDEO: Filipo Ahubiri Omulume Muetiyopiya

1. Olole EVIDEO, erhi osome Ebijiro by’Entumwa 8:30, 31. Enyuma z’aho, orhanye kw’aga madoso gakulikire:

1. Gurhi Filipo arhondezizemwo enganîro?

2. Bulya gurhi eyo yali njira nyinja y’okurhondeza enganîro n’okuyigiriza oyo mulume kantu kalebe kahyahya?

Bici Olwiganyo lwa Filipo Lurhuyigirizize?

2. Erhi rhwakaleka enganîro zigendekere omu njira nyinja, oko kwanarhuma owundi muntu aciyumva bwinja na ntyo anaba mubidu okuyumvirhiza omwanzi rhumudwirhire.

Oyige Olwiganyo lwa Filipo

3. Obe wa kulabiriza bwinja. Ebimanyiso by’ebusu by’omuntu n’eby’omubiri gwage byanarhuhugûlira bintu binji kuli ye. K’oyo muntu abonekine oku alonzize okuganira haguma na nawe? Wanarhondera okuganirira kantu kalebe kali omu Bibliya omu kudosa kone ntya: “K’omanyire oku . . . ?” Oyake okuseza omuntu orhalonzizi okuganira.

4. Obe wa kulembera. Orhaciyumvagya nk’oshinganine orhondere okuganirira mwanzi mulebe guli omu Bibliya ho n’aho. Olinde akasanzi kakwanine ly’oderha ogo mwanzi bwinja. Mango maguma na maguma, oko kwanaba kuhûnyire okulinda kuhika akandi kasanzi mwacibiyish’iganira haguma n’oyo muntu.

5. Opatanise omwanzi gwawe n’akanga. Omuntu anarhondera aganirira mwanzi mulebe orhal’icirheganyizeko. Omu kanga ka ntyo, obe mubidu okuganirira kantu kalebe kakahuma oyo muntu oku murhima, ciru akaba oko kwanaba kuhûnyire okuganirira mwanzi mulebe gw’Ebibliya guli lubero n’ogu wakaba warheganyize.