Oganirire Ebintu by’Okushagalusa Abandi

Ebi Yezu Ajijire

EVIDEO: Yezu n’Omukazi aha Cisima

1. Olole EVIDEO, erhi osome Yowane 4:6-9. Enyuma z’aho, orhanye kw’aga madoso gakulikire:

1. Bici Yezu abwine lugenda oyo mukazi embere arhondeze enganîro?

2. Yezu aderha erhi: ‘Mpa nani amishi nnywe.’ Bulya gurhi eyo yali njira nyinja y’okurhondeza enganîro?

Bici Olwiganyo lwa Yezu Lurhuyigirizize?

2. Rhwanajira enganîro nyinja bwenene erhi rhwakarhondera n’omwanzi gwashagalusa omuntu rhwalonza okuganira naye.

Oyige Olwiganyo lwa Yezu

3. Ocipatanise n’akanga. Orhasegezagya obwenge bwawe oku kurhondeza enganîro kugerera omwanzi warheganyize gone. Orhondeze enganîro omu kuganirira kantu kalebe abantu bakaba bali barhanyako mwa gano mango. Ocidose ntya:

1. ‘Myanzi ehi mihyahya ehali?’

2. ‘Bici abalungu bani, abirhu banyakazi, erhi abirhu banafunzi bali bakaganirira?’

4. Obe wa kulabiriza bwinja. Ocidose ntya:

1. ‘Bici oyu muntu ali ajira? Bici akaba ali arhanyako?’

2. ‘Bici emyambalo y’oyu muntu, oku aciyinjihize, erhi enyumpa yage bimanyisize lugenda ebi aba ayemire erhi enkomedu zage?’

3. ‘K’aka kali kasanzi kinja k’okuganiza oyu muntu?’

5. Obe mumvirhiza.

1. Orhaderhaga binji.

2. Ohe omuntu oli waganira naye omurhima ahâne entanya zage. Erhi akaba kuli kwa bulagirire, odose amadoso.