Orheganye Omurhima Gwawe

Amango rhuli rhwayiga Ebibliya, rhuba rhulonzize entanya za Yehova zihume oku murhima gwirhu, erhi obumuntu bwirhu bw’ekandalala. Ezra ayerekine olwiganyo lwinja lugenda oko erhi ‘arheganya omurhima gwage ly’ayiga Irhegeko lya Yehova.’ (Ezr. 7:10, NWT) Gurhi rhwakarheganyamwo omurhima gwirhu?

Osalire. Okarhondera ngasi cigabi c’ifunzo omu kusalira. Ohûne Yehova akurhabale ohugûkwe n’okukolesa ebi wayiga.​—Enna. 119:18, 34.

Obe mwirhohye. Mungu anafulike okuli abantu b’obucibone barhanya oku barhalagiriri oku burhabale bwage lyo bahugûkwa Ebibliya. (Lk. 10:21) Oyake okukajira obusagasi mpu ly’osomeza abandi. Obe mwirhohye ly’okashanja entanya zawe erhi akaba zirhapatini n’eza Mungu.

Ocihangane okuyumvirhiza lwimbo lulebe lw’Obwami. Omuziki gujira obuhashe bw’okuhuma oku murhima gwirhu n’okurhurheganya lyo rhuharamya. Okuyumvirhiza olwimbo lw’Obwami embere orhondere okuyiga, kwanakurhabala ly’orheganya omurhima gwawe.