Okushurha Amasoro omu Masomo​—Bici Ebibliya Edesire?

Omu nsiku 24/5/2022, kantu kalebe kabi bwenene kajirikana omu vile nsungunu y’e Uvalde, Texas, omu États-Unis. Gazeti nguma ehamagalwa The New York Times, edesire ntya “mulume muguma wal’idwirhe ebunduki ayirha bana 19 na balimu babirhi . . . oku Masomo g’Idako g’e Robb.”

Akantu k’okugayisa kuli kubona oku ebyo bintu bibi bya ntyo binakajirikana kanji-kanji. Gazeti nguma ehamagalwa USA Today yayerekine oku omu États-Unis mone, “omu mwaka gwageraga, bashusire amsoro omu ngo z’amasomo kali 249, n’ogo mubale guli munji kulusha amasoro gamakashurhwa emasomo kurhangira omu mwaka gwa 1970.”

Bulya gurhi obo buminya buli bwaba? Gurhi rhwakalwisamwo ebyo bijiro bibi? Ka hali obulangalire buyerekine oku obuminya bwanacihwe? Ebibliya ehânyire amashuzo.

Bulya gurhi obuminya buli bwayushuka?

• Ebibliya eyerekine oku rhulamire omu “nsiku nzinda” amango abantu bakabire “baminya” na bantu “bayunjulirine bubi,” k’okuderha, bantu bali bajira ebintu buzira bonjo. Abantu bajira ebijiro bya ntyo “kushaya bashaye omu bubi.” (2 Timoteyo 3:1-5, 13) Ly’omanya binji, olole omwanzi gudesire “Je, Biblia Ilitabiri Mitazamo na Matendo ya Watu Leo?”

Bantu banji banakacidosa ntya: ‘Bulya gurhi Nnâmahanga alekerire ebintu bibi nk’okuniga abantu omukubashurha amasoro emasomo?’ Ly’opata ishuzo ly’Ebibliya, osome omwanzi gudesire “Mambo Mabaya Yanafikia Watu Wazuri—Sababu Gani?”

Gurhi rhwakalwisamwo ebyo bijiro bibi?

• ‘Ebyayandikwa mira byoshi, rhwe byayandikiragwa, mpu bibe nyigirizo zirhu, lyo . . . rhuba n’obulangalire omukubona gurhi Nâmahanga arhuliriza olubaga lwage omu Mandiko matagatifu.’​—Abaroma 15:4.

Amakanuni g’Ebibliya ganakurhabala olwise obuminya buli omw’igulu. Ly’omanya binji olole egazeti Amuka! edesire “Jeuri Hutuumiza Sisi Sote.”

Ly’obona amahano gakarhabala ababusi barhabale abana babo balwise oboba bw’emyanzi bakasoma erhi kubona, osome omwanzi gudesire “Je, Taarifa za Habari Zenye Kuogopesha Zinawaathiri Watoto Wako?”

K’obuminya bwanahwe?

• “Abakûla omu kunyagwa n’omu kulibuzibwa.”​—Ennanga 72:14.

• “Engôrho zabo bazitulamwo enfuka, n’amatumu gabo bajiramwo emigushu. Nta lubaga lwacilengereze olwabo engôrho, barhakacicîyigiriza okulwa amatumu.”​—Mikeyo 4:3.

Nnâmahanga ayish’ijira ebi bene bantu barhakahash’ijira. Obwami bwage bw’empingu byayish’irhenza ebikolanwa byoshi by’okulwa ivita n’okuyusa obuminya loshi. Ly’omanya binji lugenda ebi Obwami bwa Nnâmahanga bwayish’ihikiriza, osome omwanzi gudesire “Chini ya Ufalme wa Mungu ‘Amani Itakuwa Nyingi.’”