Ebirhumire by’Okuba n’Obulangalire omu Mwaka gwa 2023​—Bici Ebibliya Edesire Lugenda Oko?

Okuba omwaka gwa 2023 gwarhondire, rhweshi rhugwerhe obulangalire oku ebintu binja byarhuhikira rhwe haguma n’emilala yirhu. Bici byakarhuma rhwaba n’obulangalire bwa ntyo?

Ebibilya Ehânyire obulangalire

Ebibliya erimwo omwanzi mwinja guyerekine oku amazibu rhuli rhwarhimanana nago ene gali ga kasanzi kalebe kone n’oku hano hofi-hofi gahwa. Okuderha okuli, ebyayandikagwa omu Bibliya mîra “rhwe byayandikiragwa mpu bibe nyigirizo zirhu lyo rhuba n’obulangalire.”​—Abaroma 15:4.

• Ly’oyiga binji lugenda ebi Ebibliya elaganyize osome omwanzi gudesire “Tumaini Bora la Wakati Ujao.”

Obulangalire bwakakurhabala ene

Obulangalire bw’Ebibliya bwanaba nka “muntungo [nanga] gutunga omurhima gwirhu [bugumaguma].” (Abahabraniya 6:19) Obo bulangalire bwanarhuma rhwarhulirira. Bwanarhurhabala okulwisa amazibu rhuli rhwarhimanana nago ene, okuba n’entanya nyinja, n’okuba n’omwishingo ensiku zoshi. Kwa lwiganyo:

• Olole gurhi obulangalire bw’Ebibliya bwarhabire mulume muguma wali luganywa. Olole evideo edesire Narhama n’Akalamo Nal’ilamire.

• Olole gurhi obulangalire bw’Ebibliya bwakarhurhabala amango rhwamafirwa n’omuzigirwa wirhu. Olole evideo edesire Oburhulirize oku Bali Balaka.

Ozibuhye obulangalire bwawe

Bantu banji bajira obulangalire oku ebintu binja byaba, cikone barhaba bayemire n’obwalagale oku ebi balangalire byahikirira. Ebi Ebibliya elaganyize byohe binahikirire. Bulya gurhi? Bulya Ebiragane biba omu Bibliya emwa Yehova Nnâmahanga a “orhakarhebana” biba birhenzire. (Tito 1:2) Yehova yene ogwerhe obuhashe bw’okuhikiriza ebiragane byage byoshi; “ebi alonzize byoshi binabe.”​—Ennanga 135:5, 6.

Rhukulalisire n’obushagaluke ojire okwawe koshi ly’oyunguka n’obulangalire bw’okunali bw’Ebibliya. Wanazibuhya obulangalire bwawe muli yo omu ‘kuyiga Amandiko.’ (Ebijiro by’Entumwa 17:11, Mashi Bible) Ojire ntyo omukuyiga Ebibliya haguma na nirhu buzira kuhâna kantu. Orhondere omwaka gwa 2023 onagwerhe obulangalire lugenda amango gayisha!