Abantu Bali Baheza Obulangalire omu Birongozi by’Epolitike​—Bici Ebibliya Edesire?

Omu mwaka gwa 2024 bulondozi bunji bwenene bwajirwa omu igulu lyoshi.Ciru akaba ntyo, bantu banji bali baheza obulangalire omu birongozi by’epolitike.

• Ankete nyinji z’Abaamerika zidesire oku “birongozi binji by’epolitike biri byashumibwa n’okucikaliza” ahali h’okushumibwa n’irala ly’okujirira aminja abantu biyimangire.a​—Pew Research Center, Nsiku 19/9/2023.

Misole minji nayo erhacilangalira ebirongozi by’epolitike.

• “Ene, emisole y’omushûko eri yashibirira oku yakayusamwo amazibu, cikone omu ankete, eyo misole eri yaderha oku ebirongozi by’epolitike birhashibirira amalagirire gayo.”​—The New York Times, Nsiku 29/1/2024.

• “Kushimbana na ankete nguma, emisole enalangalire bwenene abantu bahira amavideo banashimbwa na bantu banji oku site z’e enternete z’okuganira n’abantu banji kulusha oku elangalira ebirongozi by’epolitike.”​—The Korea Times, Nsiku 22/1/2024.

Ka rhwanalangalira oku ebirongozi by’epolitike byajira amango gayisha gabe minja bwenene? Ndi rhwakalangalira?

Obe masu lugenda oyu olangalira

Kuli kwinja oku bantu okuba masu lugenda oyu balangalira. Ebibliya adesire oku “embula bwenge enayemereze ngasi kanwa, cikone okengukwa kulola alolêreza aha agera.”​—Emigani 14:15, Mashi Bible

• Ly’obona amahano gakakurhabala okulabiriza emyanzi opata, osome omwanzi gudesire “Jilinde Dhidi ya Habari za Uwongo.”

Na kandi, ciru n’ebirongozi by’epolitike bigwerhe obulonza bwinja birhajira buhashe bw’okujira ngasi ebi byakalonza bijire. Co cirhumire Ebibliya erhurhonzire ntya:

• “Murhacîkubagiraga abarhegesi, bulya nabo baba bantu barhâkaciza.”​—Ennanga 146:3, Mashi Bible.

Ecirongozi wakalangalira

Ebibliya ehugwîre oku Mungu ahizireho ecirongozi cigwerhe obuhashe loshi na cakulangalirwa. Eco cirongozi ali Yezu Kristu. (Luka 1:32, 33) Yezu ye Mwami w’Obwami bwa Mungu, erhi guvernema eri yarhegeka kurhenga empingu.​—Mateyo 6:10.

• Oyige bulya gurhi wakalangalira Yezu n’ebi ayish’ijira ly’ayusa amazibu rhuli rhwarhimanana nago ene. Osome emyanzi edesire “Ni Nani Mufalme wa Ufalme wa Mungu?” na “Ufalme wa Mungu Utafanya Nini?”