Ebirongozi by’Epolitike Bilyalyanya​—Ebi Obwami bwa Mungu Bwayish’ijira

Bene bantu barhamire n’ebirongozi by’epolitike bikalyalyanya; balonzize babe n’ebirongozi bakalangalira. Omu busagasi buguma bwajiragwa omu maeneo gali lubero g’igulu bwahânagwa omu mwaka gwa 2023, bantu banji badesire oku ecigusho c’abantu bal’ilangalire hisungunu hyone biri birongozi by’amaguvernema.a

Ebibliya edesire oku hali eguvernema egwerhe Omurhegesi oba wakulangalirwa loshi, mwikubagirwa, orhanalimwo bulyalya boshi-boshi. Eyo guvernema buli Bwami bwa Mungu n’Omurhegesi wayo ali Yezu Kristu.​—Izaya 9:7.

Yezu ayerekine kugerera ebijiro byage oku anashibirire bene bantu. (Mateyo 9:35, 36) Ye nka Mwami w’Obwami bwa Mungu, ayish’ilerhera balya boshi bayemire oburhegesi bwage obushinganyanya n’omurhûla.​—Ennanga 72:12-14.