Top left: Marek M. Berezowski/Anadolu Agency via Getty Images; bottom left: Halfpoint Images/Moment via Getty Images; center: Zhai Yujia/China News Service/VCG via Getty Images; top right: Ismail Sen/Anadolu Agency via Getty Images; bottom right: E+/taseffski/via Getty Images
MUBE MASU!
2023: Mwaka gw’Amahangayiko—Bici Ebibliya Edesire?
Omu mwaka gwa 2023, bintu binji byajirikine omu igulu biyerekine n’obwalagale oku rhulamire omu kasanzi Ebibliya eganirire nka “nsiku nzinda.” (2 Timoteyo 3:1) Olole gurhi ebintu biri byaba ene bipatine n’ebi Ebibliya yali erhi yalebire byakabire muli gano mango girhu.
Ebibliya n’ebiri byaba omu igulu
“Ebirha [amavita] n’emihigo y’ebirha.”—Mateyo 24:6.
“Entambala z’obuminya ziri zayushûka omu maeneo manji g’igulu.”a
Olole emyanzi edesire “Ndi Waciza Bacikala?” na “Ensaranga Ziri Zakolesibwa omu Igulu Lyoshi Lugenda eby’Ecisoda Zirhalusire Triliyoni Ibirhi z’Edolare.”
“Omusisi gw’idaho gwayish’iba hanji.”—Marko 13:8.
“Kurhenga omwaka gwa 2023 gurhondire, omu igulu lyoshi mwamakaba misisi y’idaho 13 ya buzirho burhalusire magnitude 7, ogo go mubale guli enyanya bwenene omu mwaka muguma kurhenga emyanzi lugenda emisisi y’idaho yarhonderaga yabîkwa.”b
Olole omwanzi gudesire “Emisisi Midarhi y’Idaho Yashurha Ecihugo c’e Turquie n’ec’e Syrie.”
“Eby’okuyobohya.”—Luka 21:11.
“Akasanzi k’okudurhubala kw’igulu kahwire; akasanzi k’okudogoma kw’igulu kahisire.”—António Guterres, Mwandisi Mukulu w’Ecinyabuguma c’Amashanja.c
Olole omwanzi gudesire “Omu Igulu Lyoshi Amango g’Ecidurhu ga 2023 Idurhu Lyabire Linji Bwenene.”
“Ishali lidarhi.”—Mateyo 24:7, Mashi Bible.
“2023: Gundi mwaka gwa mahangayiko manji kuli balya bagwerhe amazibu gw’opata ebi emilala yabo yalya.”d
Olole omwanzi gudesire “Okunyiha kw’Ebiryo omu Igulu Lyoshi Enyanya z’Ivita n’Okushanja kw’e Climat.”
“Amango Mazibu.”—2 Timoteyo 3:1.
“Omu igulu lyoshi, muntu muguma oku bantu munani ali aba agwerhe mazibu malebe gw’obukengere.”e
Olole omwanzi gudesire “Amazibu g’Obukengere oku Bana b’Omushûko Gali Gayushûka.”
Bici rhwakalangalira omu mwaka gwa 2024?
Ntaye omanyire bwinja-bwinja ebyaba omu mwaka gwa 2024. Cikone ebiri byaba omu igulu biyerekine oku hano hofi-hofi Obwami bwa Mungu, erhi guvernema y’empingu, bwarhôla enafasi y’amaguvernema ga bene bantu n’okuyusa ngasi byoshi bilerhera bene bantu amalibuko n’amahangayiko.—Daniyeli 2:44; Amafulûlo 21:4.
Oku rhuli rhwalinda oku oko kwaba, amango rhuciyumvirhe rhuhangayisire, rhwanahûna Nnâmahanga oburhabale. Ebibliya edesire ntya:
“Amango ndi ecôba oku murhima we nkâba nnangalire.”—Ennanga 56:3, Mashi Bible
Gurhi rhwakayerekanamwo oku rhulangalire Nnâmahanga? Rhukulasire oyige binji oku biyerekire eciragane c’Ebibliya lugenda amango gayisha garhabemwo malibuko. Oyige Ebibliya haguma na nirhu omu kuganîra buzira kuhâna akantu ly’obona gurhi we n’omulala gwawe mwakayunguka n’ebiragane by’Ebibliya.
a Foreign Affairs, “A World at War: What Is Behind the Global Explosion of Violent Conflict?” Emma Beals na Peter Salisbury, Nsiku 30/10/2023.
b Earthquake News, “Year 2023: Number of Major Earthquakes on Course for Record,” Mwezi gwa 5, 2023.
c Cinyabuguma c’Amashanja, “Secretary-General’s Opening Remarks at Press Conference on Climate,” Nsiku 27/7/2023.
d Cinyabuguma c’Omw’igulu Lyoshi Cilaba eby’Ebiryo, “Okunyiha Kw’Ebiryo Omu Igulu Lyoshi.”
e Ikubuliro ly’Okushibirira Amagala omw’Igulu Lyoshi, “Lusiku Lukulu lw’omu Igulu Lyoshi lw’Amagala g’Obukengere (2023),” Nsiku 10/10/2023.