Olwise Entanya z’Okuciyumva Kahumba omu Kurhabala Abandi​—Ebi Ebibliya Edesire

Omw’igulu lyoshi, abantu banaciyumve kahumba bananaciyumve nka barhakaba n’obwîra bwa hofi-hofi haguma n’abandi. Balenga baguma na baguma omu by’amagala baba bayemire oku okurhabala abandi eba njira y’okulwisa entanya za ntyo.

• “Okurhabala abandi bali omu bulagirire kwanarhuma rhwaba n’omuhigo omu kalamo, kwananarhurhabala rhulwise entanya z’okuciyumva kahumba erhi okuciyumva nka rhurhakaba n’obwîra bwa hofi-hofi haguma n’abandi.”​—U.S. National Institutes of Health.

Ebibliya ehânyire amahano minja lugenda ebi rhwakajira lyo rhurhabala abandi. Okukolesa ebi edesire kwanarhurhabala rhulwise entanya z’okuciyumva kahumba.

Ebi wakajira

Obe muhânyi. Okalonza obulyo bw’okugeza akasanzi haguma n’abandi, ci bwenene busu oku busu. Okaba mubidu okushangira ebi ogwerhe haguma n’abandi. Nkaba okujira ntyo kwanarhuma baba ba kuvuga omunkwa, n’oko kwanarhuba mwaba bîra.

• Akanuni k’Ebibliya: “Mukahâna, nyinyu mwahâbwe.”​—Luka 6:38.

Okolese emisi yawe ly’orhabala abandi. Okalonza enjira wakarhabalamwo abantu bali balwisa amazibu. Oko kuhiziremwo okubayumvirhiza n’obwonjo erhi kubarhabala okujira mikolo milebe yakabalembuhiza oku mazibu.

• Akanuni k’Ebibliya: “Omwira w’omuntu amusîma ngasi mango.”​—Emigani 17:17, Mashi Bible.

Ly’obona eyindi myanzi lugenda oku wakagendekeza obwîra bwinja haguma n’abandi, osome ecigabi cidesire “Maisha ya Familia na Urafiki.”