Okuyushûka kw’Amazibu g’Okuba Kahumba​—Ebi Ebibliya Edesire

Kushimbana n’eraporo y’omw’igulu lyoshi ecizind’ihânwa,a muntu muguma oku bantu bani anaciyumve ali kahumba.

• “Amazibu g’omuntu okuba yene omu lubaga ganahikira ngasi muntu, wa ngasi myaka, ngasi hoshi.”​—Chido Mpemba, muguma w’omu baprezida b’e Commission sur le lien social y’Ikubuliro ly’Omw’Igulu Lyoshi ly’Amagala Nkana.

Lubero n’oku bantu banji barhanya, arhali abantu bakola bashosi erhi ababa bonene bone okuba kahumba kulibuza, cikone kandi na balya baciri misole, abagwerhe amagala minja, ababêrirwe, n’abajire omu buhya. Omuntu okuba yene n’okuba kahumba kwanashereza amagala gage g’omubiri n’ag’ekandalala.

• Doktere Vivek Murthy, munganga mukulu omu by’okubera abalwala w’e États-Unis adesire ntya: “Okuba kahumba kurhalusire bwenene okuciyumva kubi kone.” Ayushwire ntya: “Amazibu g’okufâ gakahikira omuntu onywa sigareti 15 oku lusiku, go gakanahikira omuntu orhajira lushangi n’abandi erhi kuba haguma nabo.”

Ebi Ebibliya edesire

Omulemi wirhu arhalonza rhuciberule n’abandi. Ensiku zoshi omuhigo gwa Mungu kuba kulonza abantu bashagalukire aminja, olushangi lwinja.

• Akanuni k’Ebibliya: “Nyakasane Nyamuzinda anaciderha erhi: ‘Kurhali kwinja omuntu ayorhe yene.’”​—Omurhondêro 2:18.

Mungu alonzize rhube n’obwîra haguma naye. Alaganyize oku arhuyegerera erhi rhwakacihangana okumuyegerera.​—Yakobo 4:8.

• Akanuni k’Ebibliya: “Ab’omwishingo bali balya bamanyire obulagirire bwabo bw’ekiroho, bulya Obwami bw’empingu buli bwabo.”​—Mateyo 5:3, NWT.

Mungu alonzize rhukamuharamya haguma n’abandi. Erhi rhujira ntyo, oko kunarhulerhere obushagaluke.

• Akanuni k’Ebibliya: “Rhurhabalane rhwêne na rhwêne, rhunahânane omurhima omu buzigire n’omu kukola aminja, rhurhalekaga okukâja haguma, . . . ci rhukahânana omurhima.”​—Abahabraniya 10:24, 25.

Ly’omanya binji lugenda bulya gurhi kuli kwa bulagirire okuyaka okuba kahumba, osome omwanzi gudesire “Upweke Katika Ulimwengu Uliojaa Mawasiliano.”