Omuhigo gw’Akalamo Guba Guhi?

Ishuzo ly’Ebibliya

Idoso ly’okumanya omuhigo gw’akalamo guba guhi, lyanadosibwa omu njira ziri lubero. Kwa lwiganyo, lyanadosibwa erhi; Bulya gurhi rhuba hanw’igulu? Na kandi lyanadosibwa ntya: K’Akalamo kani kajira omuhigo? Ebibliya eyerekine oku omuhigo gw’akalamo kuli kuba n’obwîra bwa hofi-hofi haguma na Nnâmahanga. Orhanye lugenda ebi bintu by’okuli Ebibliya eganirire.

• Nnâmahanga aba Lulema wirhu. Ebibliya edesire ntya: “Nyamuzinda yene warhulemaga ci arhali rhwenene.”​—Ennanga 100:3; Amafulûlo 4:11.

• Nnâmahanga ajira ecarhumaga alema ngasi kantu, ajira n’ecarhumaga arhulema.​—Izaya 45:18.

• Nnâmahanga arhulemire n’“obulagirire bw’ekiroho,” buhiziremo irala ly’okumanya omuhigo gw’akalamo guba guhi. (Mateyo 5:3) Aba alonzize rhuhikirize eryo irala.​—Ennanga 145:16.

• Rhunahikirize obulagirire bwirhu bw’ekiroho erhi rhucijirira obwîra busezire haguma na Nnâmahanga. Ciru akaba bantu banji banarhanye oku birhakashikana okuba bîra ba Nnâmahanga, Ebibliya erhuhîre omurhima omu kuderha ntya: “Yegeri Nyamuzinda, naye ammuyegerera.”​—Yakobo 4:8; 2:23.

• Lyo rhuba bîra ba Nnâmahanga, rhushinganine rhulame kushimbana n’omuhigo ajira kuli rhwe. Ebibliya eyerekine ogo muhigo omu Omuhanûzi 12:13: “Orhinye Nyamuzinda onashimbe amarhegeko gage, bulya gwo mukolo gwa ngasi muntu.”

• Omu mango gayisha, amango Nnâmahnga ayusa amalibuko goshi, n’okuha abîra bage obuzine bw’ensiku n’amango, rhwayish’ishagalukira omuhigo Nnâmahanga agwerhe kuli rhwe kurhenga mîra.​—Ennanga 37:10, 11.