IBÎKIRO LY'OKU ENTERNETE Watchtower
Watchtower
IBÎKIRO LY'OKU ENTERNETI
Mashi
  • BIBLIYA
  • BICAPO
  • NTIMANANO
Ebicapo by’Amashi (2000-2025)
Orhenge
Ocimanyise
IBÎKIRO LY'OKU ENTERNETE Watchtower
Watchtower
IBÎKIRO LY'OKU ENTERNETI
Oyegerezibwe.
Eci combo cinarhabale Abahamirizi ba Yehova basagarhe omu bicapo byabo omu ndimi nyinji.
Ly’ohaka erhi kurhola ebitabu, oje oku jw.org.
Myanzi mihyahya
Hayushusire ezindi ndimi mpyahya: Betsimisaraka (Northern), Betsimisaraka (Southern), Konkomba, Matses, Mi'kmaq
  • Ene

Lwa Kabirhi, Nsiku 21 Mwezi gwa 10

Owanazibuhe [erhi kulembera] kuhika oku buzinda, oyo ye wacizibwa.​—Mt. 24:13, Mashi Bible.

Okarhanya oku bunguke bw’okuba wa kulembera. Amango rhuli ba kulembera, rhunabe na mwishingo munji rhunanarhulirire bwenene. Muli ntyo, oborhere bw’okulembera bwanayinjihya amagala girhu g’omubiri nag’obukengere. Amango rhuli rhwalembera abandi, rhunashagalukire okuba n’olushangi lwinja haguma nabo. Oko kwanarhuma ecigamba cirhu caba n’ecinyabuguma bwenene. Erhi muntu mulebe akarhugayisa, okurhakunira duba kwirhu kwanarhuma ako kanga karhaba kabi bwenene. (Enna. 37:8; Mig. 14:29) N’akantu kinja kulusha byoshi, rhunayige olwiganyo lwa Larha wirhu w’omu mpingu rhunanamuyegere ciru bwenene. Kobinali, obulembedu buba borhere bwinja bwenene burhulerhera rhweshi obunguke! Ciru akaba ensiku zoshi kurhakaba kulembu kuli rhwe okulembera, kugerera oburhabale bwa Yehova rhwanagendekera rhwaba n’obo borhere. Amango rhuli rhwalingûza igulu lihyahya, rhwanayemera n’obwalagale oku “isu lya Yehova linalange abamuyoboha, balya balinda obuzigire bwage bwishwekerezi.” (Enna. 33:18, NWT) Lekagi rhweshi rhuhige okugendekera rhwacihundikira okulembera. w23.08 buk. 22 cif. 7; buk. 25 cif. 16-17

Rhusome Amandiko Ngasi Lusiku—2025

Lwa Kasharhu, Nsiku 22 Mwezi gwa 10

Kwo obuyemere nabwo buli ntyo: nka burhagwerhi bijiro binja erhi kufa bufîre.​—Yk. 2:17.

Yakobo ayerekana oku omuntu anaderha oku agwerhe obuyemere, cikone k’ebijiro byage biyerekine oku abugwerhe? (Yk. 2:1-5, 9) Na kandi Yakobo aganirira muntu muguma wabonaga ‘mwene wabo erhi mwali wabo abuzire eci ayambala erhi eci ashêga’ cikone arhamuhaga oburhabale. Ciru akaba omuntu wa ntyo akadesire oku agwerhe obuyemere, obuyemere bwage burhal’iyimangire oku bijiro; na muli ntyo, bwali bwa busha. (Yk. 2:14-16) Yakobo ayerekine oku Rahabu luli lwiganyo lw’omuntu wayerekanaga obuyemere bwage kugerera ebijiro. (Yk 2:25, 26) Ali erhi ayumvirhe lugenda Yehova anal’iyemire oku Yehova akag’irhabala Abaisraheli. (Yoz. 2:9-11) Ayerekana obuyemere bwage kugerera ebijiro omu kulanga Baisraheli babirhi b’endolerezi amango akalamo kabo kali omu mazibu. Enyanya z’oko, oyo mukazi orhali mwimana, orhanali Muisraheli, ahamagalwa mushinganyanya, nk’oku Abrahamu naye ahamagalagwa mushinganyanya. Olwiganyo lwage lusegize oku kuli kwa bulagirire bwenene rhuyerekane obuyemere bwirhu kugerera ebijiro. w23.12 buk. 5-6 cif. 12-13

Rhusome Amandiko Ngasi Lusiku—2025

Lwa Kani, Nsiku 23 Mwezi gwa 10

Mumere emizi muyorhe musezire.​—Ef. 3:17, Mashi Bible.

Rhwe nka Bakristu, rhurhashagalukira kone okuhugûkwa enyigirizo z’omusingi z’Ebibliya. Kugerera oburhabale bw’iroho litagatifu lya Nnâmahanga, rhuba rhulonzize ciru rhuyige n’“amahwe ga Nyamuzinda.” (1 Kr. 2:9, 10) Wanacihiriraho eprograme y’okujira ifunzo lyawe wene ly’oyegera Yehova bwenene. Kwa lwiganyo, wanayiga gurhi ayerekagamwo abakozi bage b’omu mango ga mîra obuzigire na gurhi oko kukuyemezize n’obwalagale oku nawe aba akuzigire. Wanayiga lugenda gurhi Yehova al’ipanzire enterekêro omu Israheli ya mîra na gurhi oko kushushine n’oku apanzire Abakristu ene. Erhi kandi, wanayiga bwenene amalebi Yezu ahikirizize omu mango g’akalamo kage n’omukolo gwage hanw’igulu. Okuyiga emyanzi ya ntyo kwanakulerhera omwishingo erhi wakakolesa e Index des publications des Témoins de Jéhovah erhi ecitabu Musaada wa Kutafuta Habari kwa Ajili ya Mashahidi wa Yehova. Okuyiga Ebibliya bwinjinja kwanazibuhya obuyemere bwawe n’okukurhabala ‘omanyîrire Nnâmahanga.’​—Mig. 2:4, 5, Mashi Bible. w23.10 buk. 18-19 cif. 3-5

Rhusome Amandiko Ngasi Lusiku—2025
Oyegerezibwe.
Eci combo cinarhabale Abahamirizi ba Yehova basagarhe omu bicapo byabo omu ndimi nyinji.
Ly’ohaka erhi kurhola ebitabu, oje oku jw.org.
  • Mashi
  • Rhumira abandi
  • Ebisimirwe
  • Copyright © 2025 Watch Tower Bible and Tract Society of Pennsylvania
  • Amarhegeko gw’okukolesa eyi site
  • Amarhegeko gw’okubîka ihwê
  • Paramètres de confidentialité
  • JW.ORG
  • Ocimanyise
Rhumira abandi