Enshokolezi y‘Ecigabi ca 1

Ebibliya erhondire omu kuganirira emyanzi eyerekire obulemi. Erhurhabire rhuhugûkwe ebintu binja Yehova alemire empingu n’okw’igulu. Akaba oli mubusi orhabale omwana wawe abone ebintu biri lubero by’okusomeza Yehova alemire. Oyerekane n’obwalagale oku enjira Yehova alemiremwo bene bantu eri lubero bwenene n’enjira alemiremwo ensimba bulya arhuhîre obuhashe bw’okuganira, okurhanya, okujira bintu bilebe, okuyimba n’okushenga. Omurhabale akashagalukira obuhashe bwa Yehova n’obwenge bwage, ci bwenene akashagalukira obuzigire Yehova ajira oku bulemi bwage; kuhiramwo na ngasi muguma wirhu.