Rhuyerese

Abantu Boshi Obwonjo

Lusiku luguma mwali wirhu muguma w’omu Nouvelle Zélande akag’ilola evideo edesire ‘Muhangaikiane,’ eyerekine oku Yehova arhayumvizanya obwonjo kone cikone kandi anabuyerekane. (Iz. 63:7-9) Ahiga okukolesa ebi ayigaga omu kulonza oku akarhabalamwo muntu mulebe. Buzinda mw’olo lusiku erhi aba ali agula ebiryo omu magazé, abuganana na mukazi muguma orhajira aha alama anamudosa erhi amugulire ebiryo. Oyo mukazi ayemera. Erhi oyo mwali wirhu aba akola amudwirhire ebiryo, ahâna obuhamirizi kwa bofofi, omu kukolesa etrakte edesire, Ka hali olusiku amalibuko ganahwe?

Oyo mukazi arhondera okulaka. Ahugûlira oyo mwali wirhu oku aleragwa n’ababusi bage Bahamirizi banakag’imuyigiriza okuli cikone arhajiraga majambere goshi-goshi. Cikoki, azindig’ikasalira Yehova oku amurhabale ly’agalukira okuli. Oyo mwali wirhu amuha Ebibliya anajira emipango y’okuyiga haguma naye.a

Rhwanayiga olwiganyo lwa Yehova omu kuyeresa abantu boshi obwonjo, kuhiramwo abantu b’omu mulala gwirhu na bene wirhu na bali birhu b’omu cigamba. Na kandi rhwanayerekana obwonjo omu kulonza obulyo bw’okuha abantu obuhamirizi.