4 එවිට යෙහෝවා දෙවි මෝසෙස්ට මෙසේ කීවේය. “මේ සෙනඟ මගේ නීතියට එකඟව ක්‍රියා කරනවාද නැද්ද කියා මම දැන් සෝදිසි කර බලන්නෙමි.+ මම ඔබට අහසෙන් කෑම වැටෙන්න සලස්වන්නෙමි.+ සෙනඟ තම තමන්ට අවශ්‍ය කෑම ප්‍රමාණය දවසින් දවස අහුලාගත යුතුයි.+

2 පාළුකරයේ මේ අවුරුදු හතළිහ පුරා ගිය ගමන කවදාවත් අමතක කරන්න එපා.+ යෙහෝවා දෙවි ඒ දේට ඉඩහැරියේ ඔබට නිහතමානිකම උගන්වන්නයි.+ ඔබ හදවතින්ම+ ඔහුට කීකරු වෙනවාද නැද්ද කියා සෝදිසි+ කර බලන්නත් දෙවිට එයින් හැකි වුණා.

7 එයින් ඔබේ විශ්වාසය කොතරම් අව්‍යාජ එකක්ද කියා සෝදිසියට ලක් වෙයි.+ එසේ සෝදිසියට ලක් වීමෙන් ඔබේ විශ්වාසය රන්වලටත් වඩා බොහෝ සෙයින් වටිනා දෙයක් බවට තහවුරු විය හැක.+ මන්ද රන් ගින්නෙන් පවිත්‍ර කළත් යම් දිනක එය නැති වී යයි. නමුත් ඔබේ විශ්වාසය එසේ නොවේ. ඒ විශ්වාසය නිසා යේසුස් ක්‍රිස්තුස් එළිදරව් වන අවස්ථාවේදී+ ඔබට ප්‍රශංසාවත් ගෞරවයත් තේජසත් හිමි වනු ඇත.