ගීතාවලිය

75 දෙවියනි, අපි ඔබට ස්තුති කරනවා. ඔබට ස්තුති ප්‍රශංසා කරනවා.

ඔබ ඉන්නේ අපි එක්කමයි.*+

ඔබ කරන පුදුම දේවල් ගැන මිනිස්සු කතා වෙනවා.

 2 දෙවියන් මෙහෙම කියනවා. “මම කාලයක් නියම කරලා

සාධාරණව විනිශ්චය කරනවා.

 3 පොළොවත් ඒකේ ඉන්න සෙනඟත් බයෙන් වෙවුලුවා.

ඒ වෙලාවේ පොළොවේ කණු සවිමත් කළේ මමයි.” (සීලාහ්)

 5 ඔබේ බලය ගැන මහ ඉහළින් කතා කරන්න එපා.

ඒ ගැන අහංකාර විදිහට කතා කරන්න එපා.

 6 කෙනෙක්ව උසස් කරන්නේ නැඟෙනහිරෙන්වත්

බස්නාහිරෙන්වත් දකුණෙන්වත් නෙවෙයි.

 8 යෙහෝවා දෙවියන්ගේ අතේ කුසලානයක් තියෙනවා.+

ඒක පෙණ දාන, සැර* වයින්වලින් පිරිලා.

ඔහු ඒක පොළොවේ ඉන්න දුෂ්ටයන් පිටට වක් කරනවා.

ඒ හැමෝම බිඳක්වත් ඉතුරු නොකර ඒක බොනවා.”+

 9 දෙවියන් කරපු ඒ දේ ගැන මම හැමදාමත් කියනවා.

යාකොබ්ගේ දෙවියන්ට මම ප්‍රශංසා ගී ගයනවා.*

10 දෙවියන් මෙහෙම කියනවා. “දුෂ්ටයන්ගේ බලය මම නැති කරලා දානවා.

ඒත් ධර්මිෂ්ඨ අයගේ ශක්තිය මම තව තවත් වැඩි කරනවා.”