එසකියෙල්
19 “ඊශ්‍රායෙල් සෙනඟගේ අධිපතීන් ගැන ශෝක ගීයක් ගයන්න. 2 ඔබ මෙහෙම කියන්න.
‘ඔබේ අම්මා මොන වගේ කෙනෙක්ද? ඇය සිංහයන් අතරේ සැරිසරන සිංහධේනුවක්.
තරුණ, කේශර සිංහයන් අතරේ ලැගුම් ගත්ත ඇය, ඇගේ පැටවුන්ව ඇතිදැඩි කළා.
3 ඇය ඇතිදැඩි කරපු එක පැටියෙක් කේශර සිංහයෙක් විදිහට වැඩුණා.+
ඔහු ගොදුරු ඉරලා දාන්න හොඳට පුරුදු වුණා.
මිනිස්සුන්වත් කාලා දැම්මා.
4 ජාතීන්ට ඔහු ගැන දැනගන්න ලැබුණා. ඔවුන් බොරු වළක් අටවලා ඔහුව අල්ලගත්තා.
ඔහුට කොකු දාලා ඊජිප්තු දේශයට ඇදගෙන ගියා.+
5 ඇය මඟ බලාගෙන හිටියත් ඔහු ආයෙත් එන පාටක් තිබුණේ නැහැ.
ඉතින් ඇය තවත් පැටියෙක්ව අරගෙන කේශර සිංහයෙක් විදිහට ඇතිදැඩි කරලා ඔහුව එළියට යැව්වා.
6 ඔහුත් සිංහයන් අතරේ සැරිසරන කේශර සිංහයෙක් වුණා.
ගොදුරු ඉරලා දාන්නත් ඔහු පුරුදු වුණා. ඔහු මිනිස්සුන්වත් කාලා දැම්මා.+
7 ඔහු ඔවුන්ගේ බලකොටු අතරේ ඇවිද ඇවිද කුරුමානම් අල්ලලා ඔවුන්ගේ නගර විනාශ කරලා දැම්මා.
ඔහුගේ ගර්ජනා හඬ පාළුවට ගිය දේශය පුරාම දෝංකාර දුන්නා.+
8 අවට පළාත්වල හිටපු ජාතීන් ඔහුව අල්ලගන්න දැලක් දැම්මා.
ඔවුන් හාරපු බොරු වළට ඔහු අහු වුණා.
9 ඔවුන් කොකුවලින් ඇදලා ඔහුව කූඩුවක දාගෙන බැබිලෝනියේ රජ ළඟට අරන් ගියා.
ඔහුට ආයෙත් ඊශ්‍රායෙල්වල කඳු අතරේ හඬ නඟන්න බැරි වෙන්න ඔවුන් ඔහුව බැබිලෝනියේ හිර කළා.
10 ඔබේ අම්මා දිය පහරවල් ළඟ හිටවපු, ඔබේම ලේවලින් ආව මිදිවැලක් වගෙයි.*+
වතුර නොඅඩුව ලැබුණ නිසා ඒ මිදිවැල හොඳට පල දැරුවා. අතුඉතිත් හොඳට විහිදිලා ගියා.
11 ඒකේ අතු* ශක්තිමත්ව වැඩුණා. කොච්චරද කියනවා නම් පාලකයන්ගේ රාජ යෂ්ටි හදන්න තරම් ඒවා සුදුසු වුණා.
ඒක වැඩිලා අනිත් ගස්වලටත් වඩා ඉහළින් අතු විහිදෙව්වා.
ඒ මිදිවැල ගොඩක් උසට වැඩුණ නිසාත් කොළවලින් පිරිලා තිබුණ නිසාත් හැමෝටම ඒක පෙනුණා.
ඇගේ ශක්තිමත් අතු කඩලා දැම්මා. ඒවා වේළිලා ගිහින්+ ගින්නෙන් පිච්චිලා ගියා.+
14 ඇගේම අතුවලින් ඇවිළුණ ගින්න ඇගේ රිකිලි සහ පල පුච්චලා දැම්මා.
එක ශක්තිමත් අත්තක්වත් ඉතුරු වුණේ නැහැ. පාලනය කරන්න රාජ යෂ්ටියක්වත් ඉතුරු වුණේ නැහැ.+
“‘ඒක ශෝක ගීයක්. ඒක ජනප්‍රිය වෙන ශෝක ගීයක්.’”