ගීතාවලිය
බෙන්ජමින් ගෝත්‍රයට අයිති කූෂ් කියපු දේවල් නිසා දාවිත් යෙහෝවාට ගායනා කරපු ශෝක ගීයක්.
7 යෙහෝවා, මගේ දෙවියනි, මම ආරක්ෂාව පතන්නේ ඔබගෙන්.+
මට පීඩා කරන අයගෙන් මාව ආරක්ෂා කරන්න. මාව බේරගන්න.+
2 ඔබ මගේ උදව්වට ආවේ නැත්නම්,
සිංහයෙක් වගේ ඔවුන් මාව ඩැහැගෙන ගිහින් කෑලි කෑලිවලට ඉරලා දායි.+
බේරගන්න කවුරුත් නැති නිසා ඔවුන් මාව පැහැරගෙන යයි.
3 යෙහෝවා මගේ දෙවියනි, මං වරදක් කරලා තියෙනවා නම්,
මගේ අතින් අයුක්තියක් වෙලා තියෙනවා නම්,
4 මට හොඳක් කරපු කෙනාට මං නපුරක් කළා නම්,+
කිසිම හේතුවක් නැතුව මගේ සතුරාගේ වස්තුව පැහැරගත්තා නම්,*
5 මගේ සතුරා පන්නගෙන ඇවිත් මාව අල්ලගන්න ඕනේ.
මාව පාගලා මරලා දාන්න ඕනේ.
මගේ ගෞරවය පයට පෑගෙන දූවිල්ලක් වගේ වෙන්න ඕනේ. (සීලාහ්)
6 අනේ යෙහෝවා, නැඟිට ඔබේ කෝපය පිට කරන්න.
මාත් එක්ක වෛරයෙන් ඉන්න මගේ සතුරන්ට විරුද්ධව සටන් කරන්න.+
නැඟිට මං වෙනුවෙන් යුක්තිය ඉටු කරන්න.+
7 ජාතීන්ට ඔබ වටේ එක් රොක් වෙන්න ඉඩහරින්න.
ඔබේ සිංහාසනයේ ඉඳන් ඔවුන්ට විරුද්ධව පියවර ගන්න.
8 ජනයාට විරුද්ධව යෙහෝවා දෙවියන් තීන්දුවක් දෙයි.+
අනේ යෙහෝවා, මාව විනිශ්චය කරන්න.
එහෙම කරද්දී මං ධර්මිෂ්ඨ, විශ්වාසවන්ත කෙනෙක් කියලා සිහි කරන්න.+
දෙවියනි, දුෂ්ටයන් කරන නපුරුකම් අවසන් කරන්න.
ඒත් හරි දේ කරන අයව තව තවත් ශක්තිමත් කරන්න.+
ඔහුගේ දුන්නෙන් විදින්න සූදානම් වෙයි.+