ගීතාවලිය
මස්කිල්.* ආසාෆ් රචනා කරපු ගීයක්.+
2 මම ප්‍රඥාවන්ත කියමන් පාවිච්චි කරලා ඔබට කතා කරන්නම්.
අතීතයේ ඉඳන් සැඟවිලා තිබුණ ගැඹුරු කාරණා දැනුම් දෙන්නම්.+
3 ඒවා අපි අහලා තියෙන, හොඳින් දන්න කාරණා.
අපේ පියවරු අපිට කියලා දුන්න දේවල්.+
4 අපි ඒවා අපේ පුතුන්ගෙන් සඟවන්නේ නැහැ.
මතු පරම්පරාවටත් ඒ ගැන කියලා දෙනවා.+
යෙහෝවාගේ ශ්‍රේෂ්ඨ ක්‍රියා ගැනත් ඔහුගේ ශක්තිය ගැනත්+
ඔහු කරපු පුදුමාකාර දේවල් ගැනත්+ අපි ඔවුන්ට කියලා දෙනවා.
5 ඔහු ඊශ්‍රායෙල්ට නීතිය දුන්නා.
යාකොබ්ට නියෝග දුන්නා.
ඒ දේවල් තමන්ගේ දරුවන්ට කියලා දෙන්න කියලා
ඔහු අපේ මුතුන්මිත්තන්ට අණ කළා.+
6 එහෙම කළේ, මතු පරම්පරාවල අයටත් ඒවා ගැන දැනගෙන+
ඔවුන්ගේ දරුවන්ටත් ඒවා කියලා දෙන්න පුළුවන් වෙන්නයි.+
7 එතකොට ඔවුන්ගේ දරුවනුත් දෙවියන් ගැන විශ්වාසය තියයි.
දෙවියන් කරපු දේවල් අමතක කරන්නේ නැතුව+ ඔහුගේ ආඥා පිළිපදියි.+
8 ඔවුන් තමන්ගේ මුතුන්මිත්තන්ගේ අඩිපාරේ නොයා ඉඳියි.
ඔවුන්ගේ මුතුන්මිත්තන් මුරණ්ඩු, කැරලිකාර පරම්පරාවක්.+
මුළු හිතින්ම දෙවියන්ට විශ්වාසවන්තව හිටියේ නැති,
9 එෆ්‍රායිම්වරු දුනු ඊතල තියාගෙන හිටියත්
සටන් කරන දවසේදී ඔවුන් පසුබැස්සා.
13 ඔවුන්ට මුහුද මැදින් ඇවිදගෙන යන්න පුළුවන් වෙන්න ඔහු මුහුද දෙබෑ කළා.
15 ඔහු පාළුකරයේ පර්වත දෙබෑ කරලා මහා ජල කඳක් ගලාගෙන එන්න සැලැස්සුවා.
ඒවායින් ඔවුන්ට ඇති තරම් වතුර බොන්න දුන්නා.+
16 ඔහු විශාල ගලකින් දිය පහරක් ගලා එන්න සැලැස්සුවා.
ගංගාවකින් වතුර ගලාගෙන එනවා වගේ ඒකෙන් වතුර ගලාගෙන ආවා.+
17 උසස්ම දෙවියන් ඒ හැම දේම කරලත්
ඔවුන් පාළුකරයේදී ඔහුට විරුද්ධව කැරලිගහලා දිගින් දිගටම පව් කළා.+
දෙවියන්ගෙන් කෑදර විදිහට කෑම ඉල්ල ඉල්ල
ඔහුට ඔවුන්ව බලාගන්න පුළුවන්ද කියලා පරීක්ෂා කළා.*
ඒත් ඔවුන් මෙහෙම ඇහුවා. “අපිට කෑම දෙන්න ඔහුට පුළුවන්ද?
ඔහුගේ සෙනඟට කන්න මස් දෙන්න ඔහුට පුළුවන්ද?”+
21 ඒක ඇහුණාම යෙහෝවාට හොඳටම කේන්ති ගියා.+
යාකොබ්ට විරුද්ධව ගින්නක් ඇවිළුණා.+
ඊශ්‍රායෙල්ට විරුද්ධව දෙවියන්ගේ දැවෙන කේන්තිය පිට වුණා.+
22 මොකද ඔවුන් දෙවියන්ව සැක කළා.+
ඔවුන්ව බේරගන්න ඔහුට පුළුවන් කියලා ඔවුන් විශ්වාස කළේ නැහැ.
23 ඉතින් දෙවියන් වලාකුළින් පිරුණු අහසට අණ කරලා අහසේ කවුළු ඇරියා.
24 ඔහු වැස්සක් වගේ මන්නා ඇද හැලෙන්න සලස්වලා ඔවුන්ට කන්න දුන්නා.
ස්වර්ගයෙන් ඔවුන්ට ධාන්‍ය ලබා දුන්නා.+
27 වැලි කැට ඇද හැලෙනවා වගේ ඔහු අහසින් කෑම* වැටෙන්න සැලැස්සුවා.
මුහුදේ වැලි තරම් කුරුල්ලන් ප්‍රමාණයක් ඔවුන්ට කෑම විදිහට දුන්නා.
28 ඔහු තමන්ගේ කඳවුරේ හැම තැනම උන්ව වැටෙන්න සැලැස්සුවා.
සෙනඟගේ කූඩාරම් වටේටම උන් වැටිලා හිටියා.
ඔවුන් අතරේ හිටපු ශක්තිමත්ම පුරුෂයන්ට ඔහු පහර දුන්නා.+
ඊශ්‍රායෙල්වරු අතරේ හිටපු තරුණයෝ මැරිලා වැටුණා.
32 මේ හැම දෙයක්ම දැකලත් ඔවුන් ඊටත් වඩා පව් කළා.+
දෙවියන් කරපු පුදුමාකාර දේවල් දැකලත් ඔවුන් ඔහු ගැන විශ්වාසය තිබ්බේ නැහැ.+
33 ඒ නිසා ඔහු ඔවුන්ගේ ජීවිත, හුස්ම පොදක් වගේ ඉක්මනින්ම අවසන් වෙන්න සැලැස්සුවා.+
දරුණු විපත්ති ගෙනල්ලා ඔවුන්ගේ ජීවිත නැති කළා.
34 ඒත් දෙවියන් ඔවුන්ට පහර දුන්න හැම වතාවකම ඔවුන් ඔහුගෙන් උදව් ඉල්ලුවා.+
ඔවුන් ආයෙත් දෙවියන් වෙතට හැරිලා ඔහුගේ මඟ පෙන්වීම් පැතුවා.
36 ඒත් ඔවුන් බොරු කියලා ඔහුව රවට්ටන්න උත්සාහ කළා.
37 ඔවුන් මුළු හිතින්ම ඔහුට විශ්වාසවන්තව හිටියේ නැහැ.+
දෙවියන් ඔවුන් එක්ක ඇති කරගත්ත ගිවිසුම ඔවුන් කඩ කළා.+
හුඟක් වෙලාවලදී දෙවියන් ඔහුගේ කේන්තිය පිට කළේ නැහැ.
ඔහු තමන්ගේ කේන්තිය පාලනය කරගත්තා.+
39 ඔවුන් දූවිලි කියලා ඔහු සිහි කළා.+
ඔවුන් ආපහු හැරිලා එන්නේ නැති, ගහගෙන යන සුළඟක් වගේ කියලා* ඔහු සිහි කළා.
40 ඒත් ඔවුන් පාළුකරයේදී කොයි තරම් වාර ගාණක් ඔහුට විරුද්ධව කැරලිගැහුවාද!+
කාන්තාරයේදී කී සැරයක් නම් ඔහුගේ හිත රිද්දුවාද!+
41 ඔවුන් දිගින් දිගටම දෙවියන්ගේ ඉවසීම පරීක්ෂාවට ලක් කළා.+
ඊශ්‍රායෙලයේ ශුද්ධ තැනැත්තාණන්ගේ හිතට වේදනා දුන්නා.
42 ඔහු ඔවුන්ව සතුරාගෙන් ගලවගත්ත විදිහත්
ඔවුන් වෙනුවෙන් තමන්ගේ බලය පාවිච්චි කරපු විදිහත් ඔවුන්ට අමතක වුණා.+
43 ඔහු ඊජිප්තු දේශයේ කරපු බලවත් ක්‍රියා,+
ෂොවන් පළාතේ කරපු ආශ්චර්යයන් ඔවුන්ගේ මතකයෙන් මැකිලා ගියා.
44 ඊජිප්තු වැසියන්ට ඔවුන්ගේ ජලාශවලින් බොන්න බැරි වෙන්න
ඔහු නයිල් ගඟේ ඇළ මාර්ගවල වතුර ලේවලට හැරෙව්වා.+
46 ඔහු පළඟැටියන්ව එවලා ඔවුන්ගේ පලදාව විනාශ කළා.
ඔවුන් වෙහෙස මහන්සියෙන් ලබාගත්ත අස්වැන්න පළඟැටියන්ට භාර දුන්නා.+
48 හිම කැට වර්ෂාවෙන් ඔවුන්ගේ සතුන්වත් විනාශ කරලා දැම්මා.+
අකුණු සැරවලින්* ඔවුන්ගේ සත්ව රැළවලට පහර දුන්නා.
49 ඔහුගේ දැවෙන කේන්තිය ඔවුන්ට විරුද්ධව පිට කළා.
ඔහුගේ උදහස පෙන්වලා ඔවුන්ට දුක් පීඩා ගෙනාවා.
දේවදූත සේනාවන් එවලා ඔවුන්ට විපත්ති ගෙනාවා.
50 ඔහුගේ කේන්තිය පිට කරන්න ඔහු මාර්ගයක් සකස් කළා.
වසංගතවලින් ඔවුන්ට පහර දුන්නා.
ඔහු ඔවුන්ව මරණයෙන් ගලවගත්තේ නැහැ.
51 අන්තිමේදී ඔහු ඊජිප්තුවේ හැම කුලුඳුලෙක්වම මරලා දැම්මා.+
ඔවුන්ගේ පුරුෂ ශක්තියේ මුල්ම පලය හාම්ගෙන් පැවතෙන අයගේ කූඩාරම්වලදී විනාශ කළා.
52 දෙවියන් තමන්ගේ සෙනඟව බැටළු රැළක් වගේ පිටතට ගෙනාවා.+
බැටළු රැළකට මඟ පෙන්වනවා වගේ පාළුකරයේදී ඔවුන්ට මඟ පෙන්නුවා.
53 ඔහු ඔවුන්ව සුරක්ෂිතව අරන් ගිය නිසා
ඔවුන්ට කිසිම බයක් දැනුණේ නැහැ.+
මහ මුහුද ඔවුන්ගේ සතුරන්ව ගිලගත්තා.+
54 දෙවියන් ඔහුගේ ශුද්ධ දේශයට ඔවුන්ව ගෙනාවා.+
තමන්ගේ දකුණතින් අයිති කරගත්ත මේ කඳුකර ප්‍රදේශයට අරන් ආවා.+
55 ඔවුන්ගේ ඇස් ඉස්සරහම දේශයේ හිටපු ජාතීන්ව ඔහු පන්නලා දැම්මා.+
ඔහු දේශයේ ඉඩම් මැනලා* ඒවා ඔවුන්ට උරුමයක් විදිහට බෙදලා දුන්නා.+
ඔහු ඊශ්‍රායෙල් ගෝත්‍රවල අයව ගෙවල්වල පදිංචි කළා.+
56 ඒත් ඔවුන් උසස්ම දෙවියන්ගේ ඉවසීම ආයේ ආයෙත් පරීක්ෂා* කරලා
ඔහුට විරුද්ධව කැරලිගැහුවා.+
ඔහුගේ සිහිගැන්වීම් ඔවුන් කනකටවත් ගත්තේ නැහැ.+
ඔවුන් හරියට පටිය ළිහිල් වුණ දුන්නක් වගේ.
ඔවුන් ගැන කිසිම විශ්වාසයක් තියන්න බැහැ.+
58 ඔවුන් වෙනත් දෙවිවරුන්ට නමස්කාර කරන තැන්වලට* ගිහින් ඔහුව කේන්ති ගැස්සුවා.+
ඒ දෙවිවරුන්ගේ රූප ඉස්සරහට ගිහින් වැඳ වැටුණා.+
63 ඔවුන්ගේ තරුණයෝ ගින්නෙන් විනාශ වෙලා ගියා.
ඔවුන්ගේ කිසිම තරුණියක් වෙනුවෙන් විවාහ ගී ගායනා කළේ නැහැ.*
65 වයින්වලින් මත් වෙලා ආයෙත් පියවි සිහියට එන බලවත් කෙනෙක් වගෙත්+
නින්දෙන් අවදි වෙන කෙනෙක් වගෙත් යෙහෝවා අවදි වුණා.+