නොසන්සුන් ලොවක
1 | සෞඛ්‍ය රැකගන්න
ඒක වැදගත් ඇයි?
රටේ කලබල ඇති වෙද්දී, ස්වාභාවික විපත් ඇති වෙද්දී ඒ දේවල් අපි නොහිතන විදිවලින් අපේ සෞඛ්‍යයට බලපාන්න පුළුවන්.
කරදරකාරී දේවල් සිද්ධ වෙද්දී මිනිසුන්ට ලොකු පීඩනයක් දැනෙනවා. ඒ පීඩනය දිගටම තිබුණොත් කෙනෙක් ලේසියෙන්ම ලෙඩ වෙන්න පුළුවන්.
හදිසි තත්වයන්වලදී ඉස්පිරිතාල ලෙඩ්ඩුන්ගෙන් පිරෙන්න පුළුවන්. බේත්හේත් හිඟ වෙන්න පුළුවන්.
රටේ නොසන්සුන් වාතාවරණයක් ඇති වුණොත් ඒක මිනිසුන්ගේ ආර්ථිකයට බලපානවා. ඒ නිසා පෝෂ්‍යදායී කෑම බීම, බෙහෙත් වගේ අත්‍යවශ්‍ය දේවල් ගන්න බැරි වෙයි.
දැනගන්න ඕන දේ
දරුණු අසනීප සහ මානසික පීඩනය කෙනෙක් හිතන පතන විදිහට බලපානවා. ඒ නිසා හොඳ සෞඛ්‍ය පුරුදු පැත්තකට දාන්න කෙනෙක් පෙලඹෙයි. ඒත් එහෙම කළොත් අසනීපය තවත් වැඩි වෙන්න පුළුවන්.
හරි වෙලාවට නිසි ප්‍රතිකාර ගත්තේ නැත්නම් ජීවිතේ අනතුරේ වැටෙන්නත් පුළුවන්.
ඔයා නිරෝගීව ඉන්නවා නම් අවුල් ජාලාවක් මැද වුණත් හරි තීරණ අරගන්න ඒක ඔයාට උදව් වෙයි.
ඔයා දුප්පත් වුණත් පොහොසත් වුණත් සෞඛ්‍ය රැකගන්න ඔයාට කරන්න පුළුවන් දේවල් තියෙනවා.
කරන්න පුළුවන් දේ
බුද්ධිමත් කෙනෙක් අවදානම දුර තියාම හඳුනගත්තම ඒකෙන් බේරෙන්න අවශ්‍ය පියවර ගන්නවා. ඒක අපේ සෞඛ්‍යයටත් අදාළ කරගන්න පුළුවන්. දැන් තියාම හොඳ සෞඛ්‍ය පුරුදු අනුගමනය කරනවා නම් ඔයා අසනීප වෙන්න තියෙන ඉඩකඩ ගොඩක් අඩු වෙයි. අවදානමට පෙර සූදානම කොයි කාටත් හොඳයි.
“අපේ ගේදොර, වටපිටාව වගේම ශරීරයත් පිරිසිදුව තියාගන්නවා නම් දොස්තරලටයි, බෙහෙත්වලටයි දෙන්න වෙන ගාණ එහෙම්මම ඉතුරු වෙනවා.”—ඇන්ඩ්‍රෙයාස්.a
a මේ සඟරාවේ සමහර නම් වෙනස් කර ඇත.