පැනයට පිළිතුර බයිබලයෙන්

දුෂ්ට දේවල් වෙන්නේ ඇයි?

සාමාන්‍යයෙන් හැමෝම ආසයි සාමකාමී, අවංක, කරුණාවන්ත අය වෙන්න. එහෙමනම් ඇයි අද ප්‍රචණ්ඩත්වය, අයුක්තිය වගේ දුෂ්ට දේවල් වෙන්නේ? ප්‍රවෘත්තිවල තියෙන්නෙම බිහිසුණු දේවල්. දුෂ්ට දේවල් කරන්න මිනිසුන්ව පොලඹවන කෙනෙක් ඉන්නවාද?—1 යොහන් 5:19 කියවන්න.

යෙහෝවා දෙවියන් මිනිසුන්ව නිර්මාණය කළේ දුෂ්ට දේවල් කිරීමේ නැඹුරුවාව ඇතුවද? නැහැ. ඔහු මිනිසුන්ව නිර්මාණය කළේ ඔහුගේ ගතිලක්ෂණ ඇතුවයි. ඒ නිසා ඔහු පෙන්වනවා වගේ ප්‍රේමයක් මිනිසුන්ට පෙන්වන්න හැකියාව තියෙනවා. (උත්පත්ති 1:27; යෝබ් 34:10) හැබැයි දෙවියන් මිනිසුන්ට තීරණ ගන්න නිදහස දීලා තියෙනවා. අපේ මුල් දෙමව්පියන් ඒ නිදහස අනිසි විදිහට පාවිච්චි කරලා දෙවියන්ට අකීකරු වුණ නිසා නරක ප්‍රතිඵල විඳින්න සිද්ධ වුණා. අපිට වැරදි කිරීමේ නැඹුරුවාව ආවේ එයාලගෙන්.—ද්විතීය කතාව 32:4, 5 කියවන්න.

හැමදාම දුෂ්ට දේවල් තියෙයිද?

වැරදි නැඹුරුවාවන්වලින් අපි ගොඩ එනවාට දෙවියන් කැමතියි. (හිතෝපදේශ 27:11) වැරදි කිරීමෙන් වළකින විදිහත් නියම සතුට හොයාගන්න විදිහත් ඔහු අපිට උගන්වනවා. ඒත් අපිට මේ කාලෙදී සීයට සීයක් දෙවියන්ගේ ප්‍රේමය අනුකරණය කරන්න බැහැ.—ගීතාවලිය 32:8 කියවන්න.

දුෂ්ටකම දැන් පැතිරිලා තිබුණත් ඒවායින් ඇති වන ප්‍රතිඵල විඳින්න දෙවියන් ඉඩහැරලා තියෙන්නේ යම් කාලෙකට විතරයි. (2 පේතෘස් 3:7-9) ඒත් ළඟදීම දෙවියන්ට කීකරු වෙලා සතුටින් ජීවත් වෙන මිනිසුන්ගෙන් මේ පොළොව පිරී යනවා.—ගීතාවලිය 37:9-11 කියවන්න.