පාඩම් ලිපි

අවුරුදු දහස් ගාණක් තිස්සේ යෙහෝවා දෙවි ඔහුගේ සේවකයන්ට තමන්ගේ අදහස් දැනුම් දෙන්න විවිධ භාෂා යොදාගත්තා. ඒ ගැන මේ ලිපිවල කතා කරනවා. දෙවිගේ නමට ගෞරවයක් ගේන්නත් ඔහුගේ අරමුණ මිනිසුන්ට දැනුම් දෙන්නත් ‘නව ලොව පරිවර්තනය’ උදව් වෙලා තියෙන්නේ කොහොමද කියලත් බලනවා.

අදහස් ප්‍රකාශ කරන්න අපිට තියෙන හැකියාව දෙවිගෙන් ලැබුණු වටිනා තෑග්ගක්. කතා කරන්න සුදුසු වෙලාව, කතා කරන්නේ මොනවද කියලා තීරණය කරන එක වගේම කතා කරන විදිහ ගැන සැලකිලිමත් වෙන එක වැදගත් ඇයි කියලා මේ ලිපියේ බලනවා. යේසුස්ව ආදර්ශයට ගන්නවා නම් දෙවිව ගෞරවයට පත් වෙන විදිහටත් අනිත් අයව දිරිගැන්වෙන විදිහටත් කතා කරන්න අපිට පුළුවන් කියලා මේ ලිපියේ මතක් කරනවා.

අපි හැමෝම අසනීප වෙනවා. අතීතයේදී යෙහෝවා දෙවි සමහරුන්ව සුව කළා වගේ අද අපිවත් සුව කරයි කියලා බලාපොරොත්තු වෙන්න පුළුවන්ද? සෞඛ්‍යය හා සම්බන්ධ කාරණා ගැන අනිත් අය විවිධ යෝජනා දෙද්දී අපි මතක තියාගන්න ඕනෙ මොකක්ද? මේ ලිපියෙන් ඒ ප්‍රශ්නවලට උත්තර දැනගන්න පුළුවන්. ඒ වගේම ඥානවන්ත තීරණ ගන්නත් මේ ලිපිය අපිට උදව් කරයි.