යෙහෝවා දෙවියන් සහ යේසුස් ලබා දෙන නිදහස

ඔයා පවුලේ අයව බලාගන්න මැරීගෙන වැඩ කරන තාත්තා කෙනෙක්ද? ඔයා තනියම දරුවන්ව හදා වඩා ගන්න මහන්සි වෙන අම්මා කෙනෙක්ද? ඔයා ඉස්කෝලේ චණ්ඩි ළමයින්ගෙන් හිරිහැර විඳින යෞවනයෙක්ද? නැත්නම් ලෙඩ දුක් නිසා මහලු වයස නිසා දුක් විඳින කෙනෙක්ද? අපි හැමෝම මොකක් හරි ප්‍රශ්නයකින් දුක් විඳිනවා. හුඟක් අයට ප්‍රශ්න දෙක තුනක් එක්ක පොරබදින්න වෙලා තියෙනවා. ඒත් අපි දන්නවා මේ හැම ප්‍රශ්නයකින්ම ළඟදීම නිදහස ලැබෙනවා කියලා.—2කොරි 4:16-18.

අපි මුහුණ දෙන හැම දෙයක්ම යෙහෝවා දෙවියන් දන්නවා. ඒ දේවල් විඳදරාගෙන ඔහුට ළැදිව ඉන්න එක ඔහු හුඟක් අගය කරනවා. අපිට ආශීර්වාද කරන්න ඔහු ඉන්නේ ආසාවෙන්. ඒ දේවල් දැනන් ඉන්න එක අපිට ලොකු සහනයක් නේද? (යෙරෙ 29:11, 12) යේසුත් අපි එක් එක් කෙනා ගැන හුඟක් සැලකිලිමත්. ඒ නිසයි අපි දෙවියන් අපෙන් බලාපොරොත්තු වෙන දේවල් කරද්දී ‘මම ඔබ සමඟ සැමදා සිටිනවා’ කියලා ඔහු පොරොන්දු වෙලා තියෙන්නේ. (මතෙ 28:20) දේවරාජ්‍යයෙන් අපිට ලබා දෙන ඒ පුදුමාකාර නිදහස ගැන හිතන තරමට අපේ බලාපොරොත්තුවත් විඳදරාගන්න තියෙන අධිෂ්ඨානයත් තව ශක්තිමත් කරගන්න අපිට පුළුවන්.—රෝම 8:19-21.

‘කාලය දරුණු වෙන්න වෙන්න යේසුස් දිහාම බලාගෙන ඉන්න! - පාරාදීසයේ ජීවිතය’ කියන වීඩියෝ එක බලලා මේ ප්‍රශ්නවලට උත්තර දෙන්න.

• මිනිසුන්ට දෙවියන් එක්ක තිබුණ බැඳීම නැති වුණේ කොහොමද? ඒකේ ප්‍රතිඵලය මොකක්ද?

• යෙහෝවා දෙවියන්ට විශ්වාසවන්තව ඉන්න අයට ලැබෙන්නේ මොන වගේ අනාගතයක්ද?

• ඒ ලස්සන අනාගතය අපිට ලැබෙන්නේ මොකක් නිසාද?

• ඔයා ආසාවෙන් බලන් ඉන්නේ දෙවියන් දෙන්න යන මොන ආශීර්වාද අද්දකින්නද?