පීඩා තාවකාලිකයි!

පීඩා නිසා, විශේෂයෙන්ම කාලයක් තිස්සේ විඳින පීඩා නිසා අපි අධෛර්යය වෙන්න පුළුවන්. ඒත් දාවිත් ගැන හිතන්න. එයා දැනන් හිටියා සාවුල් රජගෙන් එන පීඩා වැඩි කාලයක් තියෙන්නේ නැහැ, පොරොන්දු වුණ විදිහටම යෙහෝවා දෙවියන් එයාව රජ විදිහට පත් කරනවා කියලා. (1සාමු 16:13) යෙහෝවා පියවර ගන්න කල් ඉවසීමෙන් බලන් ඉන්න ඒ විශ්වාසය දාවිත්ට උදව් වුණා.

පීඩාවකට මුහුණ දෙද්දී දැනුමයි, සිතීමේ හැකියාවයි පාවිච්චි කරලා බුද්ධිමත්ව වැඩ කෙරුවොත් අපි අද්දකින තත්වය වෙනස් කරගන්න පුළුවන් වෙයි. (1සාමු 21:12-14; හිතෝ 1:4) හැබැයි සමහර අවස්ථාවලදී බයිබල් ප්‍රතිපත්ති ඔක්කොම අදාළ කරගෙන, කරන්න පුළුවන් හැම දේම කෙරුවත් සමහර දේවල් වෙනස් කරගන්න අපිට බැරි වෙයි. එතකොට මොකද කරන්නේ? යෙහෝවා පියවර ගන්න කල් ඉවසීමෙන් ඉන්න ඕනේ. ඔහු ළඟදීම දුකට හේතු වෙන හැම දෙයක්ම නැති කරලා අපේ “ඇස්වලින් සියලු කඳුළු පිස දානවා.” (එළි 21:4) අපේ ප්‍රශ්නෙට විසඳුමක් ලැබෙන්නේ යෙහෝවාගෙම මැදිහත් වීමෙන්ද නැත්නම් වෙන විදිහකින්ද කියලා අපි හරියටම දන්නේ නැහැ. හැබැයි අපි එක දෙයක් දන්නවා. ඒ තමයි අපිට මුහුණ දෙන්න වෙන ඕනෙම පීඩාවක් තාවකාලිකයි කියන දේ. ඒක කොච්චර සහනයක්ද!

‘බෙදුණු ලෝකෙක නොබෙදුණු සෙනඟක්’ කියන වීඩියෝ එක බලලා මේ ප්‍රශ්නවලට උත්තර දෙන්න.

• එක්සත් ජනපදයේ සහෝදරයන් මුහුණ දුන්නේ මොන අභියෝගවලටද?

• එයාලා දිගටම ඉවසීමෙන් වැඩ කළෙත් ආදරය පෙන්නුවෙත් කොහොමද?

• එයාලා දිගටම “වඩා වැදගත් දේවල්වලට” අවධානය දුන්නේ කොහොමද?—ෆිලි 1:10