‘මානසික සෞඛ්‍යය දරුණුය’
“සෞඛ්‍යය සුරැකුමේ විවිධ අංගවල ඇති වූ සිත්ගන්නාසුලු වෛද්‍ය දියුණුව මැද, සමස්ත ලෝකයේම දරුණු මානසික සෞඛ්‍ය තත්වයක් ඇත” කියා ජාත්‍යන්තර සෞඛ්‍යය පිළිබඳ කැනේඩියානු සමිතියේ පුවත් පත්‍රිකාවක් වන සින’ජිහි ලිපියක ප්‍රකාශ වුණා.
ලෝක ජනගහනයෙන් හතරෙන් එකක් මානසික, චිත්තවේගීය හෝ චර්යා අක්‍රමිකතාවෙන් පෙළෙන බව වාර්තාවක් නිගමනය කළා. තවත් අධ්‍යයනයකින් ඇඟවෙන්නේ රෝගීන්ගෙන් තුනෙන් එකක් ප්‍රතිකාර ගැනීමට සෞඛ්‍ය සේවකයන් වෙත ගියේ ඔවුන් විෂාදයෙන් හෝ කාංසාවෙන් පෙළෙන නිසා බවයි. එම ප්‍රමාණය වැඩි වෙමින් පවතින බව පර්යේෂකයන් පවසනවා.
ඒ ඇයි? හාවඩ් විශ්වවිද්‍යාලයේ සමාජ වෛද්‍ය අංශය මෙහෙයවූ අධ්‍යයනයක් සඳහන් කරන්නේ, “බොහෝදෙනෙක් වයසට යන තුරු ජීවත් වන නිසා” සායන විෂාදය, භින්නෝන්මාදය සහ චිත්ත වික්ෂේපය වැනි අසනීපයන් එන්න එන්නම වැඩි වෙනවා කියායි. කෙසේවෙතත්, එකම හේතුව දිගු කල් ජීවත් වීමම නොවේ. වර්තමාන ජීවිතයේ වැඩි වන බරට ආර්ථික ගැටලුද වගකිව යුතුයි.
මේ අඳුරු දසුන වෙනස් කළ හැක්කේ කෙසේද? සෞඛ්‍ය සුරැකුමේ විවිධ අංග මැද, “මිනිස් තත්වයන් වැඩි දියුණු කිරීමේ ක්ෂේත්‍රයන් අතරේ” මානසික සෞඛ්‍යය පවතින නිසා ඊට මුල් තැන දිය යුතු බව නිපුණයන් පවසනවා.