එක්රැස්වීම්හි දී ප්‍රීතිවෙමින් සහ දෙවියන් වහන්සේ පසසමින්
ප්‍රාදේශීය රැස්වීම්වලට අතිරේක ව, වෙනත් ප්‍රදේශවල සෙසු ඇදහිලිවන්තයින් සමඟ කුළුපග බවට පත් වීම වැඩදායක බව බයිබල් ශිෂ්‍යයෝ 1880 මුල් භාගවල සිට දුටුවාහ. එසේ ඔවුන් මුළු එක්සත් ජනපද පුරා සිටින බයිබල් ශිෂ්‍යයින්ගේ වාර්ෂික සමුළු පිළියෙල කිරීමට පටන් ගත් අතර, පසුව කැනඩාවෙනුත් එක්කර ගන්නා ලදි. මේවා ආත්මික යළි ප්‍රාණවත් කිරීමේ කාල පරිච්ඡේදයන් වූ අතර, දින ගණනාවක් දැඩි බයිබල් උපදෙස් සපයනු ලැබුයෙන් සියල්ලෝ ප්‍රමෝදයෙන්-පිරී දිරිගැන්වීම් හුවමාරුවක් භුක්ති වින්දාහ. නව ඇදහිලිවන්තයින් බව්තීස්ම කිරීම, සමුළුවල ස්ථාවර අංගයක් බවට පත් විය. මහජනයා හට වඩාත් පුළුල් සාක්ෂියක් දීම සඳහාත් සමුළු යොදා ගැනිණ.—රෝම 1:11, 12.
අද දින යෙහෝවඃ වහන්සේගේ සාක්ෂිකරුවෝ අඛණ්ඩ ව පවත්වනු ලබන එක්රැස්වීම් භුක්ති විඳිති. සංචාරක අවේක්ෂකයින් විසින් සේවය කරනු ලබන හෝ බැහැදකිනු ලබන සාමාන්‍යයෙන් සභාවන් 18 සිට 25 දක්වා, චාරිකා නමින් කණ්ඩායම් බවට එක් කරනු ලබයි. වසරකට දෙවතාවක් චාරිකා රැස්වීම් පිළියෙල කරනු ලැබ චාරිකාවේ සභාවන් හෝ චාරිකාවේ කොටසක්, සෙනසුරාදා සහ⁄හෝ ඉරිදා එක් රැස් වෙති.
දහස් ගණනක් එක් රැස් කළ හැකි ස්ථානයක, වසරකට වරක් සෑම රටක ම, විශාල, තුන්- හෝ සතර-දින පළාත් සමුළු නමින්, සමුළු පිළියෙල කරනු ලබයි. මෙම සමුළු යෙහෝවඃ වහන්සේගේ සාක්ෂිකරුවන් සහ ඔවුන්ගේ වැඩ කටයුතු ගැන උනන්දු වන අන්‍යයන් සඳහා ආත්මික ගොඩනැංවීමක් සපයන අතර, ඒවා ප්‍රසිද්ධ සාක්ෂියක් ද දෙයි.
මෙම සමුළු සහ එක්රැස්වීම් සඳහා වැඩ සටහන සූදානම් කරනු ලබන්නේ යෙහෝවඃ වහන්සේගේ සාක්ෂිකරුවන්ගේ පාලක මණ්ඩලය විසින් වන අතර, එය ලෝක ව්‍යාප්ත සාක්ෂිකරුවන්ගේ අවශ්‍යතා මත පදනම් කර ඇත. එය සංයුක්තවනුයේ සංචාරක අවේක්ෂකයින් සහ සභාවන්හි සුදුසුකම්ලත් සාක්ෂිකරුවන් විසින් ඉදිරිපත් කරන කථා, සාකච්ඡා සහ නිරූපන නම් වූ, සත්‍ය-ජීවිත ඉදිරිපත් කිරීම්වලිනි. තම සේවය තුළ ඔවුන් ලබමින් සිටින ප්‍රතිඵල පිළිබඳවත් හෝ අභක්තික ලොවක ක්‍රිස්තියානින් වශයෙන් ජීවත්වීමේ දී මුහුණ පාන අභියෝගයන් ගැනත් විවිධ අය තම අත්දැකීම් කියා පාති. පළාත් සමුළුවල අතිරේක අංගයක් වන්නේ—අද ඔවුන් මුහුණ පාන ගැටලු සමඟ ක්‍රිස්තියානින් ක්‍රියා කරන්නේ කෙලෙසදැයි පෙන්වන, නවීන-දින පසුතලයන් තුළ වූ නාට්‍යයන් සහ බයිබල් නාට්‍ය විලාශයෙන් සජීවි ලෙස කරන ඉදිරිපත් කිරීම් ය.
ආහාර වේල් සහ කැවිලි පෙවිලිත් සපයනු ලැබේ. රැස්වීම් සැසිවාර නොපැවැත්වෙන විට, මෙය ප්‍රීතිදායක හවුල්කාරත්වයකට ඉඩ සලසයි. මෙම විශේෂාංග ක්‍රියාත්මක කිරීමෙහිලා සම්බන්ධවන සියලු ම කාර්යයන් කරනු ලබන්නේ යෙහෝවඃ වහන්සේගේ සාක්ෂිකරුවන්ගෙන් සෑදුන ස්වේච්ඡා සේවකයන් විසිනි. පහසුකම් සහ අනික් වියදම් සඳහා වැය වෙන මුදල ස්වේච්ඡා සම්මාදම් මගින් පියවා ගනු ලබන්නේ ය. අතුල්වීම නොමිලයේ වන අතර, මුදල් එකතු කිරීම් කරනු නොලැබේ.
මෙම එක්රැස්වීම් ඔබේ ප්‍රදේශයේ පැවැත්වීමට නියමිත ව ඇත්තේ කොතැන ද සහ කෙදින ද යන්න ඔබට යෙහෝවඃ වහන්සේගේ සාක්ෂිකරුවන්ගේ ප්‍රාදේශීය සභාවෙන් සොයා දැන ගත හැක. නැවතීමේ පහසුකම් ලබාගත හැක්කේ කෙසේ ද සහ ගමන් පිළියෙල කිරීම් ආදිය ගැනත් තොරතුරු සපයනු ඇත.
මෙම සමුළු සහ එක්රැස්වීම් යෙහෝවඃ වහන්සේගේ සාක්ෂිකරුවන්ට සහ ඔවුන් සමඟ සමාගම් පවත්වන්නන් හට තම ප්‍රදේශයේ සභාවෙන් ඔබ්බට බැලීමටත්, ලෝකයෙහි ඔවුන්ගේ මුළු සහෝදර සමාගම අගය කිරීමටත් ආධාර වෙයි.—1 පේතෘස් 2:17.
• පළමු බයිබල් ශිෂ්‍යයින් තම සමුළුවලින් ලබා ගත්තේ කුමන ප්‍රයෝජන ද?
• පළාත් සමුළු සහ චාරිකා රැස්වීම් සඳහා ඇති පිළිවෙළ සහ වැඩසටහන විස්තර කරන්න.
[18වන පිටුවේ පින්තූර]
පළාත් සමුළුවේ බයිබල් නාට්‍යයක්, එක්සත් ජනපදයේ
ජාත්‍යන්තර සමුළුව, පෝලන්තය
ජාත්‍යන්තර සමුළුව, ආර්ජන්ටිනාව
චාරිකා රැස්වීම, ජපානය
නියෝජිතයෝ බයිබල් පොත්පත් ලබාගනිති, ස්විට්සර්ලන්තය
ජාත්‍යන්තර සමුළුවේ බව්තීස්මය, දකුණු අප්‍රිකාව
නව බයිබල් ප්‍රකාශනයක් මුදා හරිමින්, කැනඩාව
සමුළු නියෝජිතයෝ ගැයීමෙහි සහභාගි වෙති, ස්පාඤ්ඤය