දෙවිගේ මිතුරන් නරක දෙයින් වැළකී සිටියි

සාතන් නරක දේවල් කිරීමට මනුෂ්‍යයන්ව පොලඹවනවා. යම්කිසි කෙනෙකුට දෙවිගේ මිතුරෙක් වෙන්න කැමති නම් ඔහු යෙහෝවා වෛර කරන දේට වෛර කරන්න අවශ්‍යයි. (ගීතාවලිය 97:10) දෙවිගේ මිතුරන් වීම වළක්වන සමහරක් දේවල් සලකා බලන්න:

වැරදි ලිංගික හැසිරීම්. “කාමමිථ්‍යාචාරය නොකරව.” (නික්මයාම 20:14) විවාහයට පෙර ලිංගික සම්බන්ධකම් පැවැත්වීමත් වැරදියි.—1 කොරින්ති 6:18.

බේබදුකම. ‘බේබද්දෝ දෙවිගේ රාජ්‍යය උරුම කරගන්නේ නැත.’—1 කොරින්ති 6:10.

මිනීමැරීම, ගබ්සාව. “මිනීනොමරව.”—නික්මයාම 20:13.

සොරකම. “සොරකම් නොකරව.”—නික්මයාම 20:15.

බොරුකීම. “බොරුකාර දිව” යෙහෝවාට පිළිකුලක්.—හිතෝපදේශ 6:17.

සාහසිකකම සහ පාලනය කරගත නොහැකි කෝපය. ‘යෙහෝවා බලාත්කාරකමට ප්‍රියවෙන්නාට ද්වේෂ කරයි.’ (ගීතාවලිය 11:5) ‘මාංසයේ ක්‍රියාවලට ක්‍රෝධයත්’ ඇතුළත් වෙනවා.—ගලාති 5:19, 20.

සූදුව. ‘කෑදර කෙනෙක් සමඟ සම්බන්ධකම් නොපවත්වන්න.’—1 කොරින්ති 5:11, NW.

ජාතිවාදය හා වාර්ගික වෛරය. “නුඹලාගේ සතුරන්ට ප්‍රේමකරන්න, නුඹලාට පීඩාකරන්නන් උදෙසා යාච්ඤාකරන්න.”—මතෙව් 5:43, 44.

දෙවි අපට කියන දේවල් අපේම යහපත සඳහායි. නරක දේවලින් වැළකීම සැමවිටම පහසු නෑ. නමුත්, යෙහෝවාගේ සහ ඔහුගේ සාක්ෂිකාරයන්ගේ උපකාරය ඇතුව දෙවි අසතුටු කරන දේවලින් වැළකීමට ඔබට පුළුවන්.—යෙසායා 48:17; පිලිප්පි 4:13; හෙබ්‍රෙව් 10:24, 25.