අනිත් අයට උදව් කරපු තිමෝති

තිමෝති අනිත් අයට හරිම ආසාවෙන් උදව් කරපු කෙනෙක්. හුඟක් තැන්වලට ගිහින් මිනිසුන්ට උදව් කරපු නිසා එයාට සතුටින් ඉන්න පුළුවන් වුණා. ඔයා කැමතිද එයා ගැන දැනගන්න?—

තිමෝති හිටියේ ලිස්ත්‍රාව කියන නගරේ. එයාගේ ආච්චිගේ නම ලොයිස්. අම්මාගේ නම යූනිස්. ඒ දෙන්නා තිමෝති පුංචි කාලේ ඉඳලාම යෙහෝවා දෙවි ගැන එයාට කියලා දුන්නා. ටික ටික ලොකු වෙද්දී තිමෝතිටත් ඕන වුණා යෙහෝවා දෙවි ගැන අනිත් අයට කියලා දෙන්න.

දේශනා කරන්න එක එක තැන්වලට යද්දී එයාත් එක්ක යන්න එන්න කියලා පාවුල් තිමෝතිට කිව්වා. තිමෝතිත් හරිම ආසාවෙන් ඒකට කැමති වුණා.

ඒ දෙන්නා මැසිඩෝනියාවේ තිබුණ තෙසලෝනික නගරෙට ගියා. ඒක හුඟක් ඇවිදින්න තිබුණ දුර ගමනක්. ඒ දෙන්නට නැවෙනුත් යන්න වුණා. එහෙට ගිහින් එහෙ හිටපු අයට යෙහෝවා දෙවි ගැන ඉගෙනගන්න ඒගොල්ලො උදව් කළා. ඒත් සමහර අය ඒ දෙන්නට බැන්නා. ගහලා තුවාල කරන්නත් හැදුවා. ඒ නිසා පාවුල් තිමෝතිවත් එක්කගෙන වෙන තැන්වලට ගියා.

ටික කාලෙකට පස්සේ පාවුල් තිමෝතිට කිව්වා ආයෙත් තෙසලෝනික නගරෙට ගිහින් එහෙ ඉන්න සහෝදරයන් ගැන හොයලා බලන්න කියලා. එහෙට යන එක භයානක දෙයක් වුණත් එහෙ හිටපු සහෝදරයන්ට තිමෝති හුඟක් ආදරේ කරපු නිසා කැමැත්තෙන්ම ඒ ගමන ගියා. ඊටපස්සේ එයා ඇවිත් පාවුල්ට කිව්වා ඒ අය ගොඩක් හොඳින් ඉන්නවා කියලා.

තිමෝති පාවුල් එක්ක අවුරුදු ගාණක් එක එක තැන්වලට ගිහින් දෙවි ගැන අනිත් අයට කියලා දුන්නා. සභාවල අයට උදව් කරන්න යවන්න ඉන්න හොඳම කෙනා තිමෝති කියලා පාවුල් එකපාරක් කිව්වා. සහෝදර සහෝදරියන්ටත් යෙහෝවා දෙවිටත් තිමෝති හුඟක් ආදරේ කළා.

ඔයාත් අනිත් අයට ආදරේ කරනවද? ඒ අයට යෙහෝවා දෙවි ගැන ඉගෙනගන්න උදව් කරන්න ඔයා කැමතිද?— ඔයා එහෙම කරනවා නම් ඔයාටත් පුළුවන් තිමෝති වගේ සතුටින් ඉන්න.