“නිදහසට ප්‍රේම කරන්නෝ” පළාත් සමුළුවට සහභාගි වන්න
බයිබල් උපදෙස්වලින් යුත් ඵලදායි දින තුනක් ඔබ සඳහා බලා සිටී. සිකුරාදා උදෑසන 10:20ට සංගීතමය ඉදිරිපත් කිරීමත් සමඟින් සමුළුව ආරම්භ වන විට, එහි පැමිණ සිටින්න. “නිදහසේ පරිපූර්ණ ව්‍යවස්ථාවට එබිකම් කිරීමට හේතු” යන තේමාවෙන් යුත් ආරම්භක කථාව සහ උදේ වරුවේ අවසන් කොටස වන මූලික කථාව වන “දෙවියන් වහන්සේ විසින් අපට දානය කරන ලද නිදහසේ අරමුණ සහ භාවිතය” යන කථා දෙක ම භුක්ති විඳින්න.
සිකුරාදා සවස් වරුවේ, දේව සේවකයන් වශයෙන් ක්‍රිස්තියානින් තම සේවය ඉටු කරන ආකාරය ගැන අනුශාසනා ඉදිරිපත් කෙරෙනු ඇත. “කාර්ය බහුලවීම—මළ ක්‍රියා තුළ ද, නැතහොත් යෙහෝවඃ වහන්සේගේ සේවයේ ද?” සහ “නිදහස් සෙනඟකි, එහෙත් ගණන් දීමට ඇත” යන්න ඊළඟට සාකච්ඡාවට යොමුවන කථාවන්හි තේමාවන් ය. බයිබල් කාල නාට්‍යයක් තුළින් යෙහෝවඃ වහන්සේට සේවය කිරීමට යමෙකුගේ නිදහස භාවිතා කිරීමට දිරිගන්වනු ලැබේ. දෙවියන් වහන්සේගේ දේව මාලිගාව අලංකාර කිරීමට පො.යු. පෙර 468 දී බබිලෝනියේ සිට යෙරුසලමට හැරී ආවා වූ එස්රා සහ ඔහුගේ සගයන්ගේ අත්දැකීම්වලින් එය හුවා දැක්වෙයි.
සෙනසුරාදා උදේ වරුවේ, “පවුල් කවය තුළ වගකීමෙන් යුත් නිදහස” නමින් කොටස් තුනකින් සමන්විත කථා මාලාවකි. ඉන් පසුව, ක්‍රිස්තියානි කැපවීම සහ බව්තීස්මය පිළිබඳ ව, “යෙහෝවඃ වහන්සේට සේවය කිරීමට ඔබ ව ම නිදහස් ව තබන්න” යන ආත්ම සෝදිසි කරවන කථාවයි. පස්වරුවේ බොහෝ දෙනා බලාපොරොත්තුවෙන් සිටිනු ඇත්තේ, “සන්තෝෂයට ප්‍රධාන සාධකය විවාහය ද?” යන කථාව ය. කිසි ම සැකයකින් තොර ව නිදහසට ප්‍රේම කරන සියල්ලන්ට ම මහත් ප්‍රීතියක් ගෙන එන්නා වූ උච්ච අවස්ථාවක් සමඟින් සැසිවාරය නිමාවට පත්වනු ඇත.
ඉරිදා උදෑසන කොටස් තුනකින් සමන්විත “මනුෂ්‍යයන් අල්ලන්නන් ලෙස සේවය කිරීම” යන කථාමාලාවට සවන් දීම ඔබට උවමනා වනු ඇත. මෙහි දී යේසුස් වහන්සේ විසින් වදාළ මත්ස්‍යයා සහ මහ දැල පිළිබඳ උපමාව සාකච්ඡා කරනු ලබන අතර, මෙහි ඉෂ්ටවීමේ දී අපට තිබෙන කොටස ගැන සලකා බැලෙනු ඇත. උදෑසන සැසිවාරය, “ ‘අන්තිම කාලයේ දී’ අවදිව සිටින්න” සහ “ ‘විපත්ති කාලයෙන්’ බේරී ජීවත්වනු ඇත්තේ කවරහු ද?” යන වැදගත් කථාවලින් අවසන් වනු ඇත. සවස් වරුවේ පැවැත්වෙන ප්‍රසිද්ධ කථාව අතපසු කිරීමට ඔබට උවමනා නොවනු ඇත. එහි තේමාව නම්, “දෙවියන් වහන්සේගේ නිදහසේ නව ලොව ජය නාද දෙමින් පිළිගැනීම” යන්නයි. හැඟීම් කලතන්නා වූ අවසන් කථාවට පෙර, එම සතියට නියමිත මුරටැඹ සාකච්ඡාව පැවැත්වෙනු ඇත. එම සතියට නියමිත පාඩම් කිරීමට තිබෙන ඔබගේ සඟරා පිටපත රැගෙන එන්න.
අගෝස්තු හා සැප්තැම්බර් මාසවල දී ශ්‍රී ලංකාවේ සමුළු සතක් පැවැත්වෙන අතර, ඔබගේ පළාතට නුදුරින් එකක් තිබෙනු ඇත. දිනයන් සහ ස්ථානයන් ඔබගේ පළාතේ යෙහෝවඃ වහන්සේගේ සාක්ෂිකාරයන්ගෙන් අසා දැන ගන්න. w91 06/01