බයිබලය සැබවින් ම දෙවියන් වහන්සේගෙන් වූ දීමනාවක් ද?
“බයිබලය වනාහි දෙවියන් වහන්සේ මිනිසාට එතෙක් මෙතෙක් දානය කර ඇති හොඳ ම දීමනාව බව මම විශ්වාස කරමි.” එම ප්‍රකාශය කරන ලද්දේ, එක්සත් ජනපදයේ 16 වෙනි ජනාධිපතිවරයා වූ ඒබ්‍රහැම් ලින්කන් විසිනි.a මෙම ඉපැරණි පොත සඳහා අගය කිරීම පෙන්වූයේ ඔහු පමණක් නොවේ.
දහනව වෙනි සියවසේ ආණ්ඩුකාරවරයෙකු වූ විලියම් ඊ. ග්ලැඩ්ස්ටන් මෙසේ ප්‍රකාශ කළේ ය: “බයිබලය එහි මූලාරම්භය සම්බන්ධයෙන් අද්විතීය භාවයක් විදහාපායි. එය සියලු තරඟකරුවන්ගෙන් බොහෝ සෙයින් ගිණිය නොහැකි දුරකින් සිටී.” මේ හා සමාන කෝණයකින්, 18 වෙනි සියවසේ අමෙරිකානු දේශපාලකයෙකු වූ පැට්‍රික් හෙන්රි මෙසේ පැවසුවේ ය: “මෙතෙක් මුද්‍රණය කර තිබෙන වෙනත් සියලු ම පොත්වලට වඩා බයිබලය වටී.” පැහැදිලි ව ම ශුද්ධ ලියවිලිවලට සිත ඇදී ගියා වූ ප්‍රංශ අධිරාජ්‍ය නැපෝලියන් බෝනපාට් අදහස් දැක්වූයේ මෙසේ ය: “බයිබලය හුදෙක් පොතක් නොවේ, නමුත් එයට විරුද්ධ ව නැගී සිටින සියල්ලන් ව පරාජය කරන්නා වූ ජීවමාන මැවිල්ලකි.”
ඇතමෙකු හට බයිබලය උපකාරයේ හා සහනයේ උල්පතක් වී තිබේ. අමෙරිකානු සංයුක්ත ජනපදවල ජනරාල් රොබර්ට් ඊ. ලී මෙසේ සඳහන් කළේ ය: “මගේ සියලු ව්‍යාකූල තත්ත්වයන් හා මානසික පීඩාවන්හි දී, ආලෝකය සහ ශක්තිය මට ලබා දීමට බයිබලය කිසිවිටෙකත් අපොහොසත් වී නොමැත.” තව ද, මෙම පොත කෙරෙහි තමාට තිබූ අගය කිරීම නිසා, එ. ජ. ජනාධිපති ජෝන් ක්වින්සි ඇඩම්ස් පැවසුවේ මෙසේ ය: “මම වසර ගණනාවක් පුරා, වසරකට වරක් බයිබලය මුළුමනින් ම කියවීම පුරුද්දක් කරගෙන සිටිමි.”
මහෝත්තමයාණන් මිනිස් වර්ගයා හට බයිබලය දී තිබේ නම්, එය දිව්‍යමය ලෙස අනුභාවය ලබා තිබෙන බවට සාක්ෂි තිබිය යුතු ය. එය වෙන කිසි පොතකට වඩා උතුම් විය යුතු ය. තව ද, බයිබලය ශක්තියේ සහ උපදෙස්වල සැබෑ උල්පතක් වීමට, එය සහමුලින් ම විශ්වාස කළ හැකි විය යුතු ය. එසේ නම්, දැන් ප්‍රශ්නයක් ඉතිරි ව තිබේ, එනම් බයිබලය සැබවින් ම දෙවියන් වහන්සේගෙන් වූ දීමනාවක් ද? අපි ඊළඟට එම ප්‍රශ්නයට පිළිතුරු සොයමු. w92 5/15
[පාදසටහන්වල]
a ඇත්තෙන් ම, මීට වඩා උතුම් දීමනාවකි, යේසුස් ක්‍රිස්තුස් වහන්සේ.—යොහන් 3:16.
▲විලියම් ඊ. ග්ලැඩ්ස්ටන්
U.S. National Archives photo
▼ඒබ්‍රහැම් ලින්කන්
U.S. National Archives photo
▲පැට්‍රික් හෙන්රි
Harper’s U.S. History
නැපෝලියන් බෝනපාට්▶
Drawn by E. Ronjat
◀ජොන් ක්වින්සි ඇඩම්ස්
Harper’s U.S. History
▼රොබර්ට් ඊ. ලී
U.S. National Archives photo