රාජ්‍යය ප්‍රකාශකයන්ගේ වාර්තාව
“යක්ෂයාට විරුද්ධව සිටින්න, එවිට ඔහු ඔබ වෙතින් පලා යනවා ඇත”
පළමු සියවසේදී, එපීස නගරයේ සිටි, “යන්ත්‍ර මන්ත්‍ර අභ්‍යාස කළ” බැතිමතුන් කණ්ඩායමක්, ක්‍රිස්තියානි පණිවුඩයට ප්‍රතිචාර දැක්වූයේ, තමන්ගේ යන්ත්‍ර මන්ත්‍ර පොත් පත් ප්‍රසිද්ධියේ පිළිස්සීමෙනි. (ක්‍රියා 19:19) මෙම පොත්වල ගණනය කරන ලද මිලයේ වටිනාකම රිදී මිල 50,000ක් වූයේය. බයිබල් වාර්තාව යොමු දක්වන්නේ, රෝම රිදී කාසියක් වූ ඩිනාරිවලට නම්, එහි වටිනාකම අඩුතරමින් $37,000ක් වනු ඇති බවය!
මීට පෙර කලෙක භූත විද්‍යාවට සම්බන්ධ පොත් පත් සතුව තිබූ නමුත් පැරණි එපීසවරුන්ගේ අධිෂ්ඨානයට සමාන අධිෂ්ඨානයක් තිබූ බොහෝ දෙනෙක් අද දිනද සිටිති. කැනඩාවෙන් පැමිණෙන, පහත දැක්වෙන අද්දැකීම සැලකිල්ලට ගන්න.
වසර පහකට පමණ පෙර, යෙහෝවඃවහන්සේගේ සාක්ෂිකාරියක් ගෙයින් ගෙට යමින් සිටි විට, නෝරා නමැති එක් කාන්තාවක් ඈව ඇත්තටම තම ගේ තුළට ඇදගෙන ගියාය. වසර ගණනාවක ආත්මික සෙවිල්ලකින් පසු, නෝරා, ආගමික හා ආත්ම බන්ධන ක්‍රියා සම්බන්ධ පොත් සියගණනක් එකතු කොට තිබූ අතර, නමුත් මළවුන් සඳහා ඇති බලාපොරොත්තුව ගැන බයිබලයට පවසන්නට තිබෙන්නේ කුමක්දැයි දැනගැනීමට ඈට වුවමනා විය. සාක්ෂිකාරිය ඈහට, මළාවූ ප්‍රේමනීයයන්ට ඇති බලාපොරොත්තුව කුමක්ද? යන පත්‍රිකාව ඉදිරිපත් කළාය. නෝරාගේ ප්‍රශ්නවලට පිළිතුරු ලැබුණු අතර, ඈ මුරටැඹ සහ පිබිදෙව්! සඟරාවලට දායක වූවාය.
පසුව ඈ වෙනත් ස්ථානයක පදිංචියට ගියෙන්, යෙහෝවඃවහන්සේගේ සාක්ෂිකරුවන් සමඟ ඈට තිබූ සබඳතා ඇණහිටිණි. කෙසේවෙතත්, ඇගේ නව ලිපිනයට ඈහට සඟරා දිගටම තැපෑලෙන් ලැබිණි. එමෙන්ම ඈ එම සඟරාවල සඳහන්වී තිබුණු බයිබලය මත පදනම් ප්‍රකාශන කිහිපයක් ඇණවුම් කළාය. ටික කලකට පසුව, යෙහෝවඃවහන්සේගේ සාක්ෂිකාරියක් ඇගේ නිවසට ආවාය. ප්‍රශ්නවලට පිළිතුරු දෙන විට, එම සාක්ෂිකාරිය කෙළින්ම බයිබලය පෙරළා පිළිතුරු දීම නෝරාගේ සිතට කා වැදුණු අතර, ඈ එම සාක්ෂිකාරියට නිවසට ආරාධනා කර, තවදුරටත් සාකච්ඡා කිරීම සඳහා යළිත් පැමිණෙන මෙන් ඇරයුම් කළාය.
කෙසේවෙතත්, මෙම සාක්ෂිකාරියට, නෝරා යළිත් හමුවීම දුෂ්කර දෙයක් විණි. දවසේ විවිධ වේලාවලදී සහ සතියේ වෙනස් වේලාවලදී ඈව හමුවීමට කිහිප වතාවක්ම ඈ ගියද, ඉන් කිසිම ඵලක් වූයේ නැත. එහෙත්, කලක් ගත වන විට, ඇගේ මෙම බලවත් ප්‍රයත්නයට ප්‍රතිඵල ලැබුණු අතර, ඈ හොඳ ප්‍රතිඵල නෙළා ගත්තාය. නිතිපතා බයිබල් පාඩමක් ආරම්භ වුණි, තවද නෝරාගේ ඇවටිල්ල නිසා මෙය බොහෝ විට සතියකට තුන් වතාවක් පැවැත්විණි. ඈ ඉගෙන ගනිමින් සිටි දෙයින්, ඇගේ මිත්‍රයන්ට හා පවුලේ සාමාජිකයන්ට කථා කිරීමට ඈ පෙලඹුණු අතර, එහි ප්‍රතිඵලය වූයේ ඔවුන්ගෙන් තුන් දෙනෙක්ම තමන් සමඟ බයිබල් පාඩම් පවත්වන මෙන් යෙහෝවඃවහන්සේගේ සාක්ෂිකරුවන්ගෙන් ඉල්ලා සිටීමයි.
බොරු ආගම් බොහොමයක් තිබෙන බවත්, බොරු අනාගතවක්තෘවරු බොහොමයක් සිටින බවත්, නමුත් ජීවනයට මඟ පෙන්වන්නේ එකම මාර්ගයක් බවත්, නෝරා තම බයිබල් පාඩම තුළින් වටහා ගත්තාය. වසර ගණනාවක් පුරා, ඈ, බොරු ආගම් තුළ ඈට තිබූ ප්‍රශ්නවලට පිළිතුරු සොයමින් සිටියාය, නමුත් භූතයන් ගැන බයිබලයේ පවසන දේ ඉගෙන ගැනීමෙන් පසු, ක්‍රියා 19:19හි සඳහන් පැරණි එපීසවරුන් මෙන් ඈ ක්‍රියා කළාය. ඈ තමාගේ පුස්තකාලය පිරිසිදු කළ අතර, දවස් කිහිපයක් මුළුල්ලේ මෙසේ කිරීමෙන් පසු, භූත විද්‍යාව සහ බොරු ආගමික ඉගැන්වීම් පිළිබඳ ලියැවී තිබූ පොත් දහස් ගණනකට වැඩි සංඛ්‍යාවක් විනාශ කර දැමුවාය. ඈ විනාශ කළ ප්‍රකාශන අතර, පොත් හතරකින් යුත් එක් පොත් සමූහයක වටිනාකම $800කට වඩා වැඩි විය!
පෙනෙන හැටියට, නෝරාගේ ක්‍රියාවලට අසතුටට පත් භූතයෝ, සති දෙකක් පමණ යන තෙක් ඈට කරදර කරන්නට වූහ. කෙසේවෙතත්, ඈ දිගටම බයිබලය පාඩම් කිරීම සහ යෙහෝවඃවහන්සේගේ නවීන-දින සංවිධානය සමඟ ඇගේ ඇසුර වළක්වාලීමට මෙම දුෂ්ට ආත්මවලට හැකි වූයේ නැත.
එවන් අද්දැකීම්වලින් උපහැරණය කරන්නේ බයිබලයේ මෙම වචනවල සත්‍යතාවයි: “එමනිසා, ඔබවම දෙවියන්වහන්සේට යටත් කරගන්න; නමුත් යක්ෂයාට විරුද්ධව සිටින්න, එවිට ඔහු ඔබ වෙතින් පළා යනවා ඇත.”—යාකොබ් 4:7, NW.