පැනයට පිළිතුර බයිබලයෙන්

ස්වර්ගයට යන්නේ කවුද? යන්නේ ඇයි?

හුඟක් අය කැමැත්තෙන් ඉන්නවා මිය ගියාට පස්සේ ස්වර්ගයට යන්න. යේසුස් තම මුල් ගෝලයන්ට ස්වර්ගයට යන්න ලැබෙනවා කියලා කිව්වා. ඔවුන් වෙනුවෙන් ස්වර්ගයේ ස්ථානයක් සූදානම් කරනවා කියලා යේසුස් පොරොන්දු වුණේ ඒ නිසයි.—යොහන් 14:2 කියවන්න.

ඔවුන් ස්වර්ගයට යන්නේ ඇයි? යේසුස් කිව්වේ ඒ අය ස්වර්ගයේ රජවරුන් වෙනවා කියලයි. රජවරුන් විදිහට ඔවුන් පොළොව පාලනය කරනවා.—ලූක් 22:28-30; එළිදරව් 5:10 කියවන්න.

හැම හොඳ කෙනෙක්ම ස්වර්ගයට යනවාද?

සාමාන්‍යයෙන් රටක් පාලනය කරන්න තෝරගන්නේ ටිකදෙනෙකුවයි. ඒ හා සමානව පොළොව පාලනය කරන්න ස්වර්ගයට ගන්නෙත් ටිකදෙනෙකුවයි. (ලූක් 12:32) ඔවුන් යේසුස් එක්ක ස්වර්ගයේ පාලනයට හවුල් වෙනවා. කීදෙනෙක් පාලනයට හවුල් වෙනවාද කියලා බයිබලයේ පැහැදිලිවම කියලා තියෙනවා.—එළිදරව් 14:1 කියවන්න.

ස්වර්ගයට නොයන අයට ලැබෙන ආශීර්වාදය මොකක්ද? යේසුස්ගේ පාලනයට යටත් වෙන ඔවුන්ට පාරාදීස පොළොවේ සදාකාලයටම ජීවත් වෙන්න ලැබෙනවා. (යොහන් 3:16) පාරාදීස පොළොවේ ජීවත් වෙන සමහර අය මේ දුෂ්ට සමාජයේ විනාශයෙන් බේරන අයයි. අනිත් අය මරණයෙන් නැවත නැඟිටින අයයි.—ගීතාවලිය 37:29; යොහන් 5:28, 29 කියවන්න.