පැනයට පිළිතුර බයිබලයෙන්

හොඳ දෙමව්පියන් වෙන්නේ කොහොමද?

දෙමව්පියන් එකිනෙකාට ආදරෙන්, ගෞරවයෙන් සලකනවා නම් දරුවන්ට සතුටින් හැදී වැඩෙන්න සුදුසු පරිසරයක් නිවසේ ඇති වෙනවා. (කොලොස්සි 3:14, 19) යෙහෝවා දෙවියන් යේසුස්ව අගය කළා වගේ හොඳ දෙමව්පියනුත් තමන්ගේ දරුවන්ව අගය කරනවා.—මතෙව් 3:17 කියවන්න.

අපේ හැඟීම් ස්වර්ගික පියාණන්ට කියද්දී ඔහු ඒවාට හොඳින් සවන් දෙනවා. දෙමව්පියනුත් දරුවන් තමන්ට හැඟෙන දේ කියද්දී හොඳින් සවන් දෙන්න ඕනේ. (යාකොබ් 1:19) එකඟ වෙන්න බැරි අදහසක් කිව්වත් ඒකට ඇහුම්කන් දෙන්න.—ගණන් කතාව 11:11, 15 කියවන්න.

වගකීමෙන් වැඩ කරන්න දරුවන්ව පුරුදු කරන්න

දෙමව්පියන් හැටියට ඔබට අයිතියක් තියෙනවා දරුවන්ට නීති දාන්න. (එෆීස 6:1) ඒත් දෙවියන්ගේ ආදර්ශය අනුගමනය කරන්න. ඔහු පැහැදිලි නීති දැම්මා විතරක් නෙමෙයි ඒවා කැඩුවොත් ඇති වන ප්‍රතිඵලත් පැහැදිලි කළා. (උත්පත්ති 3:3) කීකරු වෙන්න කියලා බල කරනවා වෙනුවට හරි දේ කරන එකෙන් ලැබෙන ප්‍රයෝජන ඔහු පෙන්නලා දෙනවා.—යෙසායා 48:18, 19 කියවන්න.

දෙවියන්ට ආදරේ කරන්න දරුවන්ට උදව් කරන්න. එතකොට ඔබ ඔවුන් ළඟ නැති විටත් ඔවුන් ඥානවන්තව වැඩ කරයි. දෙවියන් ආදර්ශයෙන් උගන්වනවා වගේ ඔබත් ඔබේ ආදර්ශයෙන් දෙවියන්ට ආදරේ කරන්න දරුවන්ට උගන්වන්න.—ද්විතීය කතාව 6:5-7; එෆීස 4:32; 5:1 කියවන්න.