දේවසේවය තුළ දියුණු වීමට ඔබේ දරුවන්ට උපකාර කරන්න
1 කුඩා කල සිටම තම දරුවන්ව දේවසේවයේ පුහුණු කිරීම ක්‍රිස්තියානි දෙමාපියන් සතු බැරෑරුම් වගකීමක්. මෙය ඉටු කරගැනීමට ක්‍රම කිහිපයක් තිබෙනවා. සමහර දරුවන්ට අකුරු කියවන්න හැකියාව ඇතිවීමට පෙර පටන්ම බයිබල් පදයක් කටපාඩමෙන් කියවීමට හැකියාවක් තිබෙනවා. මේවා අසාගෙන සිටින අය තුළ ප්‍රබල බලපෑමක් ඇති කළ හැකියි. කුඩා දරුවන් ටිකෙන් ටික ලොකු වෙද්දී ඔවුන්ට ඊට වඩා යමක් කළ හැකියි. දෙමාපියෙනි, සාක්ෂි දැරීමේ කාර්යයේ හවුල් වීම සඳහා ඔබේ දරුවන්ටත් උපකාර කිරීමට ඔබට හැක්කේ කොහොමද? බලන්න, පහත සඳහන් යෝජනා ඔබට උපකාරවත් වෙයිද කියා.
2 ගෙවැසියාට ආචාර කිරීමෙන් පසු ඔබට මෙසේ පැවසිය හැකියි:
◼ “මගේ පුතා [ඔහුගේ නම] බයිබලයේ තියෙන එක අදහසක් හොඳට දන්නවා. ඒක හරි වැදගත් අදහසක්. එයා ආසයි ඔබට ඇහෙන්න ඒක කියවන්න.” ඔබේ දරුවාට හැකියි මෙසේ පවසන්න. “දෙවිගේ නාමය මොකක්ද කියලා මං බයිබලෙන් දැනගෙන තියෙනවා. [දරුවා ගීතාවලිය 83:17 පදය කියවයි, නැත්නම් කට පාඩමින් කියයි.] යෙහෝවා දෙවි අප වෙනුවෙන් කරන්න යන්නේ මොනවද කියලා මේ සඟරාවල පෙන්නුම් කරනවා. ඔබ කැමතිද මේ සඟරා කියවලා බලන්න?” ලෝක ව්‍යාප්ත වැඩ කටයුතු සිදු වෙන ආකාරය පැහැදිලි කරමින් සාකච්ඡාව අවසන් කිරීමට ඔබට හැකියි.
3 නැතහොත් මෙම යෝජනාව අත් හදා බලන්න:
◼ “මං මගේ දුවට අසල්වැසියන්ට සැලකිල්ල පෙන්වන ආකාරය ගැන කියලා දෙනවා. මෙයාගේ නම [නම සඳහන් කරන්න.] මගේ දුව කැමතියි බයිබලයේ තිබෙන එක් වැදගත් කෙටි පණිවිඩයක් ඔබට කියන්න.” ඇයට පුළුවන් මෙසේ පවසන්න. “මේ බලන්න. අපිට අනාගතය ගැන හොඳ බලාපොරොත්තුවක් බයිබලයේ දීලා තියෙනවා. [එළිදරව් 21:4 කියවීමට හෝ කට පාඩමින් කියන්න දැරියට හැකියි.] දෙවිගේ රාජ්‍යයෙන් අපට ලැබෙන ආශීර්වාද ගැන මේ සඟරාවල පෙන්නුම් කරනවා. ඔයා කැමතිද මේවා කියවලා බලන්න?”
4 නිතරම සරලව පණිවුඩය ඉදිරිපත් කිරීමට දරුවන්ට පුහුණුව දීමෙන් ඔවුන්ට රාජ්‍යය පණිවුඩය විශ්වාසයකින් යුතුව ඉදිරිපත් කිරීමට හැකියාව ලැබෙනවා. පැහැදිලිව හා ප්‍රමාණවත් ශබ්දයකින් කතා කිරීමට පුරුදු වීමෙන් ඔවුන්ට විවිධ අවස්ථාවන්වල කතා කිරීමට හැකිකම වෙනවා. කලින් පුහුණු වීමෙන් සහ අවංක ප්‍රශංසාවෙන් ඔබේ දරුවන්ට තම ඇදහිල්ල ගැන හොඳින් කතා කරන්නට හැකිකම ලැබෙයි.
5 එවැනි දිරිගැන්වීමක් ලැබීම නිසා බාලයන් හුඟදෙනෙකු බව්තීස්ම නොලත් ප්‍රචාරකයන් ලෙස සුදුසුකම් ලබා තිබෙනවා. මේ අන්දමින් අපගේ දරුවන් ක්‍රිස්තියානි දේවසේවයේ දියුණු වෙනවා දැකීම මොන තරම් සතුටක්ද!—ගීතා. 148:12, 13.