අපේ නිල වෙබ් අඩවිය කොයි කාටත් ප්‍රයෝජනවත්
“සියලු ජාතීන්ට සාක්ෂියක් වන පිණිස ජනාවාස වූ මුළු පොළොව පුරාම” ශුභාරංචිය දේශනා කරන්න කියා යේසුස් අපිට අණ කළා. (මතෙ. 24:14) එම කාර්යය සම්පූර්ණයෙන්ම ඉටු කරන්න උදව්වක් හැටියට watchtower.org, jw-media.org සහ jw.org යන වෙබ් අඩවි එකතු කර jw.org යන තනි වෙබ් අඩවිය සකස් කර තියෙනවා.—2 තිමෝ. 4:5.
‘ජනාවාස පොළොව පුරාම’: ලෝක ජනගහනයෙන් තුනෙන් එකක්ම අද අන්තර්ජාලය පාවිච්චි කරනවා. අද ඉන්න හුඟදෙනෙක්, විශේෂයෙන්ම තරුණයන් තොරතුරු දැනගන්න පිවිසෙන්නේ අන්තර්ජාලයටයි. එහි ඇති අපේ වෙබ් අඩවියෙන් බයිබල් ප්‍රශ්නවලට උත්තර වගේම සංවිධානය ගැන තොරතුරුත් ලබාගන්න පුළුවන්. බයිබල් පාඩමක් කරන්න කැමති අයට මේ වෙබ් අඩවිය හරහා ලේසියෙන්ම පාඩමක් ඉල්ලුම් කරන්නත් පුළුවන්. ඒකේ ප්‍රතිඵලයක් විදියට ශුභාරංචිය වැඩිය අහන්න ලැබෙන්නැති ප්‍රදේශවල ඉන්න අයටත් ඒ ගැන දැනගන්න ලැබෙනවා.
“සියලු ජාතීන්”: බයිබල් සත්‍ය සියලු ජාතීන් අතරට ගෙනියන්න නම් එය විවිධ භාෂාවලින් තියෙන්න ඕනෙ. වෙන කිසිම වෙබ් අඩවියකට වඩා එනම් භාෂා 400කින් පමණ බයිබල් පණිවිඩය දැනගන්න jw.org වෙබ් අඩවියට පිවිසෙන අයට පුළුවන්.
හොඳින් ප්‍රයෝජන ගන්න: අපේ වෙබ් අඩවිය අලුත් විදිහට සකස් කළේ දෙවි ගැන නොදන්න අයගේ වගේම අපෙත් ප්‍රයෝජනයටයි. ඔබට අන්තර්ජාල පහසුකම් තියෙනවා නම් jw.org වෙබ් අඩවියට හොඳින් හුරුවෙන්න කියලා දිරිගන්වන්න කැමතියි. පහළ තියෙන්නේ එය පාවිච්චි කරන්න පුළුවන් විදි කීපයක්.
[3වන පිටුවේ රූප සටහන]
(මුද්‍රිත පිටපත බලන්න)
කරලා බලන්න
1 වෙබ් ලිපිනය දැමීමට ඇති තීරුවේ www.pr418.com/si කියා ටයිප් කර සිංහල වෙබ් අඩවියට පිවිසෙන්න.
2 වෙබ් අඩවියට පිවිසුණාම එහි ඇති මූලික අංග, මෙනුව සහ ලින්ක් ක්ලික් කර බලන්න.
3 අන්තර්ජාල පහසුකම් ඇති ෆෝන් සහ ටැබ්ලට් වැනි උපකරණවලින්ද අපේ වෙබ් අඩවියට පිවිසෙන්න පුළුවන්. ඒවායේ තිරය කුඩා වුණත් වෙබ් අඩවියේ සියලුම තොරතුරු බලාගත හැකියි.