දේවවචනය නිධානයක් | යෙසායා 58-62
“යෙහෝවා දෙවි කරුණාව දක්වන අවුරුද්ද ගැන ප්‍රකාශ කරන්න”
“යෙහෝවා දෙවි කරුණාව දක්වන අවුරුද්ද” සංකේතවත් එකක්
ඒකෙන් සංකේතවත් වෙන්නේ නිදහස ලබා දෙන පණිවිඩයට සවන් දෙන්න මෘදු හදවත් තියෙන අයට යෙහෝවා දෙවි ලබා දෙන කාලයයි
පළවෙනි සියවසේදී දෙවිගේ කරුණාවේ අවුරුද්ද පටන්ගත්තේ ක්‍රි.ව. 29දී යේසුස් සේවය පටන්ගන්නවාත් එක්කමයි. ඒක අවසන් වුණේ යෙහෝවා දෙවි “සතුරන්ට දඬුවම් කිරීමට නියම කර ඇති දවස” විදිහට හඳුන්වපු ක්‍රි.ව. 70දී යෙරුසලම විනාශ වුණු අවස්ථාවේදියි
අපේ කාලෙදී දෙවිගේ කරුණාවේ අවුරුද්ද පටන්ගත්තේ 1914දී යේසුස් ස්වර්ගයේ රජ වුණු අවස්ථාවේදියි. ඒක අවසන් වෙන්නේ මහත් පීඩාවත් එක්කමයි.
“ධර්මිෂ්ඨකම නමැති විශාල ගස්” මාර්ගයෙන් යෙහෝවා දෙවි ඔහුගේ සෙනඟට ආශීර්වාද කරනවා
සාමාන්‍යයෙන් ලෝකයේ තියෙන උසම ගස් කැළෑවල වැවෙන්නේ එක ළඟ. ඒ නිසා එක ගහක් තව ගහකට ආධාරකයක් වෙනවා
ඒ ගස්වල තියෙන විශාල මුල් පද්ධති එකකට එකක් වෙළිලා තියෙන නිසා ලොකු කුණාටුවලදී වුණත් ඒවා කඩන් වැටෙන්නේ නැහැ
උස ගස් නිසා පොඩි ගස්වලට සෙවණක් ලැබෙනවා වගේම ඒ ගස්වලින් වැටෙන කොළ නිසා පසත් සාරවත් වෙනවා
‘ධර්මිෂ්ඨකම නමැති විශාල ගස්වලින්’ නියෝජනය වෙන්නේ පොළොවේ ඉතිරි වෙලා ඉන්න අභිෂේක ලත් අයයි. ඒ අයගේ උදව් සහ ආරක්ෂාව නිසා ලෝකෙ පුරාම ඉන්න දෙවිගේ සෙනඟ ප්‍රයෝජන ලබනවා