නොවැම්බර් මාසයේ දේවරාජ්‍යය ගැන දැනුම් දෙන්න දරන විශේෂ වෑයමක්!

යේසුස් “දෙවිගේ රාජ්‍යය ගැන ශුභාරංචිය” දේශනා කළා. (ලූක් 4:43) ඒ වගේම යේසුස් ඒ රාජ්‍යය ගැන යාච්ඤා කරන්නත් මිනිසුන්ට ඉගැන්නුවා. (මතෙ 6:9, 10) නොවැම්බර් මාසයේදී දේවරාජ්‍යය ගැන හැමෝටම දැනුම් දෙන්න අපි විශේෂ වෑයමක් දරන්න යනවා. (මතෙ 24:14) මේ වැඩසටහනට උපරිමයෙන් හවුල් වෙන්න දැන්ම සැලසුම් කරන්න. ඒ මාසයේදී පැය 30ක් හරි 50ක් හරි කරලා සහායක පුරෝගාමි සේවය කරන්න අවස්ථාව තියෙනවා.

ඔයා සේවය කරන ප්‍රදේශයේ ඉන්න පුළුවන් තරම් දෙනෙක්ට දේවරාජ්‍යය ගැන තියෙන බයිබල් පදයක් පෙන්වන්න. බයිබල් පදයක් තෝරගද්දී ඒ අය මොන ආගමේද කියන එක ගැන සැලකිලිමත් වෙන්න. මුණගැහුණු පළවෙනි වතාවේදී කෙනෙක් උනන්දුවක් දැක්වුවොත් එයාට 2020 අංක 2 ‘මුරටැඹ’ පොදු කලාපයේ පිටපතක් ලබා දෙන්න. ඊටපස්සේ පුළුවන් තරම් ඉක්මනින් එයාව ආපහු හමු වෙන්න යන්න. අපේ ඉගැන්වීම් කට්ටලයේ තියෙන ප්‍රකාශනයක් යොදාගෙන බයිබල් පාඩමක් පටන්ගන්න උත්සාහ කරන්න. දේවරාජ්‍යය මාර්ගයෙන්, ඒකට විරුද්ධව වැඩ කරන හැම ආණ්ඩුවක්ම විනාශ කරන්න තව වැඩි කාලයක් නැහැ. (දානි 2:44; 1කොරි 15:24, 25) ඒ නිසා යෙහෝවා දෙවියන්ටත් ඔහුගේ රාජ්‍යයටත් තියෙන අපේ ළැදිකම පෙන්වන්න තියෙන මේ අවස්ථාවෙන් අපි උපරිම ප්‍රයෝජන ගමු!