‘හැමදාටම සතුටින් ජීවත් වෙන්න!’ කියන ප්‍රකාශන සේවේදී පාවිච්චි කරමු

බයිබල් පාඩම් කරන්න අලුතින්ම ලැබුණ සඟරාවයි පොතයි ගැන අපි කොච්චර සතුටු වෙනවාද! හුඟදෙනෙක්ට යේසුස්ගේ ගෝලයන් වෙන්න උදව් කරන්න අපි ගන්න මහන්සියට යෙහෝවාගේ ආශීර්වාදය ලැබෙන්න කියලා අපි දිගටම යාච්ඤා කරනවා. (මතෙ 28:18-20; 1කොරි 3:6-9) මේ අලුත් ප්‍රකාශන සේවේදී පාවිච්චි කරන්න පුළුවන් කොහොමද?

මේ ප්‍රකාශනවලින් බයිබල් පාඩම් කරන විදිහ අපි කලින් කරපු විදිහට වඩා වෙනස්. ඒ නිසා පාඩමකට ලෑස්ති වෙද්දියි පාඩමක් කරද්දියි මේ මඟ පෙන්වීම් අදාළ කරගන්න.a

• ඡේද කියවලා ප්‍රශ්න සාකච්ඡා කරන්න

• කියවන්න තියෙන බයිබල් පද කියවන්න. ඒවා අදාළ කරගන්න පුළුවන් විදිහ තේරුම්ගන්න ශිෂ්‍යයාට උදව් කරන්න

• වීඩියෝ බලලා එතන තියෙන ප්‍රශ්න සාකච්ඡා කරන්න

• එක සැරේ සම්පූර්ණ පාඩමක් ඉවර කරන්න උත්සාහ කරන්න

කෙනෙක් පාඩමක් කරන්න ඇත්තටම කැමතියිද කියලා දැනගන්න මුලින්ම එයාට සඟරාව දෙන්න. (“‘හැමදාටම සතුටින් ජීවත් වෙන්න!’ සඟරාව මුල් හමු වීමේදී ඉදිරිපත් කරන්නේ කොහොමද?” කියන කොටුව බලන්න.) ඒකේ තියෙන පාඩම් 3 ඉවර වුණාට පස්සේ ශිෂ්‍යයා දිගටම පාඩම කරන්න කැමති නම් පොත දීලා 4වෙනි පාඩමේ ඉඳන් කරගෙන යන්න. ඔයා දැනටමත් වෙන පොතකින් පාඩමක් කරනවා නම් ඒක නතර කරලා අලුත් පොතේ ගැළපෙන පාඩමකින් බයිබල් පාඩම පටන්ගන්න.

‘බයිබල් පාඩමට ඔයාව ආදරෙන් පිළිගන්නවා!’ කියන වීඩියෝ එක බලලා මේ ප්‍රශ්නවලට උත්තර දෙන්න.

• අලුත් පොතෙන් ශිෂ්‍යයන්ට ඉගෙනගන්න පුළුවන් මොනවාද?

• ශිෂ්‍යයන්ට මේ වීඩියෝ එක පෙන්නන්න ඕනෙ ඇයි?

• ශිෂ්‍යයාට උනන්දු කරන්න ඕනෙ මොන වගේ ඉලක්ක තියලා ඒවා ජය ගන්න කියලාද? —“ප්‍රධාන කරුණු සහ ඉලක්ක” කියන වගුව බලන්න